Сўнгги янгиликлар
Сторителлинг ва мутолаанинг инсон ривожидаги ўрни...
Парламентда Нукус воқеалари бўйича тузилган комиссия ахбороти тингланди
Навоийга Монголиядан 1000 бошга яқин Баят зотига мансуб қўйлар олиб келинди
Фаоллар айтаётган “иқтидор” эгаси оддий “Виртуал валютачи” бўлган...
Рустам Минниханов бошчилигидаги Татаристон делегацияси Навоий вилоятига ташриф буюрди
Тожикистоннинг Конибодомида яна тўрт кишининг жасадлари топилди. Маҳаллий аҳоли ваҳимада
Таҳлил қилинган давлат харидларида «Давлат харидлари тўғрисида»ги қонуннинг тегишли модда талаблари бузилганлик ҳолатлари аниқланди
Ички аудит хизмати ходимларининг фаолияти самарадорлигини баҳолаш тартиби белгиланди
Грецияда поездларнинг тўқнашуви оқибатида 26 киши ҳалок бўлди
Йўл-транспорт ҳодисаси жойида 150 нафар ўт ўчирувчи, 40 нафар тез тиббий ёрдам машинаси ва 32 нафар полиция ходими жалб этилган.
Грециянинг Лариса шаҳри яқинида йўловчи поезди билан юк поездининг тўқнашуви қурбонлари сони 26 нафарга етди, 85 киши жароҳат олди. Бу ҳақда чоршанба куни ERT News телеканалининг эфирида ёнғин хавфсизлиги хизмати расмий вакили Василис Ватракояннис маълум қилди.
“Тасдиқланган маълумотларга кўра, айни дамда вайроналар остидан 26 нафар ҳалок бўлганларнинг жасади топилган. Камида 85 киши жароҳатланган, улар шифохоналарга етказилган.
Йўл-транспорт ҳодисаси жойида 150 нафар ўт ўчирувчи, 40 нафар тез тиббий ёрдам машинаси ва 15 та патруль машинасида 32 нафар полиция ходими жалб этилган. Кран ўрнатилган автомобиллар ҳам майдаланган вагонларни демонтаж қилишда ёрдам бермоқда”, - деди Ватракояннис.
Тиббий ёрдамга муҳтож бўлмаган 270 нафар йўловчи фожиа жойидан эвакуация қилинди ва автобусда Салоники шаҳрига жўнатилди.
Телеканалга интервью берган айрим гувоҳларнинг айтишича, поездлар тўқнашуви таъсири жуда кучли бўлган.
“Атрофдаги ҳамма нарса ёнаётган эди, биз цинган деразалар орқали чиқдик. Биз жарликка тушдик, атрофдаги ҳамма нарса тутун ичида эди, қаэрга боришимиз кераклиги аниқ эмас эди”, - дейди тирик қолган йўловчилардан бири.
