Сўнгги янгиликлар
Маҳаллий Кенгашлар фаолиятида янги босқич: ислоҳотлар ва имкониятлар
Туркия туризм бўйича дунёда 4-ўринга чиқди
Туркиянинг сеҳрли сув ости дунёси ҳақида нималар маълум?
"Strongmen Games": Кучлилар аниқланди
Туркиядаги энг мафтункор яхта манзиллари
«Ўзларингизга яхши бўлмайди» – Оқдарё ҳокимлиги фермерлар пилла режасини топширишга мажбур эканлигини айтган «зам» ҳокимнинг ҳаракатларини оқлаб чиқди
Ботир Зарипов ноқонуний ҳолатларнинг олдини олишни мақсад қилган – Бухоро ҳокимлиги муносабат билдирди
«Неварамнинг чет элда ўқиши учун қандай пул топсам деб уйқуларим қочади» – олмалиқлик фаол «Умид» фонди ёпилганидан ранжиб, янги таклиф билан чиқди
Тарихни «йўқ» қилган шахслар қамалди
Маданий мерос объектларига зарар етказганлар эндиликда ўз қилмишларига жавоб беришларига тўғри келади.
Давлат хавфсизлик хизматининг Тошкент вилояти бўйича бошқармаси ҳамда вилоят прокуратураси ҳамкорлигида муқаддас қадамжолар ва зиёратгоҳларни муҳофаза қилиш, ушбу масканларда қонунбузилиши ҳолатларига чек қўйиш мақсадида зарур чора-тадбирлар амалга оширилмоқда.
Хусусан, шлакоблок ишлаб чиқарувчи МЧЖ раҳбари А.У. 2019 йилда ҳокимият тизимидаги мансабдор шахслар билан келишган ҳолда қалбаки ҳужжатлар асосида, Нурафшон шаҳридаги “Улкан Тўйтепа” археология ёдгорлиги ҳудудининг 30 сотих ер майдонини ўз номига расмийлаштириб олган.
2020-2021 йиллар давомида у мазкур ер майдонида шлакоблок ишлаб чиқариши ва бу учун керак бўладиган иншоотларни қуриши оқибатида маданий мерос объектига 306 млн. 720 минг сўм миқдорида зарар етказган. Аниқланган ҳолат юзасидан жиноят иши қўзғатилиб, тергов ҳаракатлари олиб борилган.
Натижада жиноят ишлари бўйича Нурафшон шаҳар судининг ҳукмига асосан А.У. Жиноят Кодексининг 132 ва 228-моддалари билан айбдор деб топилиб, унга нисбатан 1 йил 7 ой муддатга озодликдан маҳрум қилиш жазоси тайинланди.
Шунингдек, 2018 йилда Қибрай туманидаги “Қиличли ота” зиёратгоҳида қайта таъмирлаш ва тиклаш ишларини амалга ошириш учун қурилиш соҳасида фаолият юритувчи МЧЖга 355 млн. 473 минг сўм миқдорида бюджет маблағи ажратилган.
Бироқ, МЧЖ раҳбари Н.Ҳ. бажарилган ишлар бўйича тузилган ҳисоб-фактураларга сохта маълумотлар киритиб, амалда бажарилмаган иш ҳажмини қўшиб ёзиш орқали 263 млн. 286 минг сўм миқдоридаги маблағни талон-торож қилган. Мазкур ҳолат юзасидан ҳам жиноят иши қўзғатилиб, тергов ҳаракатлари олиб борилди.
Жиноят ишлари бўйича Қибрай туман судининг ҳукмига асосан Н.Ҳ. Жиноят Кодексининг 167 ва 228-моддалари билан айбдор деб топилиб, унга нисбатан 5 йил 1 ой муддатга озодликдан маҳрум қилиш жазоси тайинланди.
