Сўнгги янгиликлар
Парламентда Нукус воқеалари бўйича тузилган комиссия ахбороти тингланди
Навоийга Монголиядан 1000 бошга яқин Баят зотига мансуб қўйлар олиб келинди
Фаоллар айтаётган “иқтидор” эгаси оддий “Виртуал валютачи” бўлган...
Рустам Минниханов бошчилигидаги Татаристон делегацияси Навоий вилоятига ташриф буюрди
Тожикистоннинг Конибодомида яна тўрт кишининг жасадлари топилди. Маҳаллий аҳоли ваҳимада
Таҳлил қилинган давлат харидларида «Давлат харидлари тўғрисида»ги қонуннинг тегишли модда талаблари бузилганлик ҳолатлари аниқланди
Ички аудит хизмати ходимларининг фаолияти самарадорлигини баҳолаш тартиби белгиланди
Бугун ҳаво янада совиши кутилмоқда
«Вагнер» билан жанг қилиш «зомби фильми»га ўхшайди» — украиналик аскар
Уруш даҳшатида кун кечираётган украиналик аскарлар CNN'га интервью берди.
Бахмут шаҳрининг жануби-ғарбда, украиналик аскарлар Андрей ва Борисич музлаган тупроққа қўйилган шам ёриғи билан ёритилган бункерда яшайдилар.
Бир неча ҳафтадан бери улар Россиянинг хусусий ҳарбий ширкати бўлган “Вагнер”га қарашли юзлаб аскарларга қарши Украина мудофаасида жанг олиб боришмоқда.
Балаклава кийиб олган Андрей, “Вагнер” жангчиларининг ҳужум тўлқинларига учраганида, охири йўқдай бўлиб туйилган отишмани ҳикоя қилиб берди.
Фото. Борисич ва Андрей / скриншот
“Биз тўхтамай 10 соатча жанг қилдик. Бу шунчаки жанг эмас эди, тўхтовсиз отишмалар, узлуксиз ўқлар ёмгири эди. Вагнерчилар бостириб келишни тўхтатишмади"
Андрейнинг айтишича, уларнинг АК-47 милтиқлари доимий ўқ отишидан шунчалик қизиб кетгандики, уларни доимий равишда ўзгартиришга тўғри келар эди.
“Вагнерчилар Россия қамоқхоналаридан тўғридан-тўғри ёлланган аскарлардан иборат жамоа эди. Улар ҳарбий тактикани яхши билишмас ва деярли ҳарбий экипировкасиз эдилар. Кўпчиликлари, агар улар олти ойлик шартномадан омон қолишса, камерага эмас, балки уйга қайтишларига умид қилишарди.
Фото. "Вагнер" жангчиларининг жойлашуви /CNN
Уларнинг гуруҳи - айтайлик, 30 метрга 10 тадан аскардан тўғри келарди, улар позицияни сақлаб қолиш учун окопда жойлашишар эди”, — дейди Андрей, "Вагнер" ҳақида.
Унинг сўзларига кўра, яна бир гуруҳ яна 30 метрни ўзлариники қилиш учун эргашади.
Фото. "Вагнер" жангчиларининг тактик услуби
"Шундай қилиб, босқичма-босқич (Вагнер) олдинга интилмоқда, шу билан бирга улар кўп одамларни йўқотмоқда. Биринчи тўлқин тугаса ёки қисқартирилса, “Вагнер” Украина позицияларини босиб олиш учун кўпинча ўнг ва чап қанотларидан тажрибали жангчиларни юборади"
Андрей вагнерчиларга қарши жангни зомби филмидаги саҳнага қиёслади.
“Улар ўз дўстларини жасади устига чиқиб, инсон каби эмас балки, ҳайвондан баттар таҳқирлашяпти. Афтидан, улар ҳужумдан олдин баъзи бир психатроп дориларни истеъмол қилган бўлишлари мумкин”, - дейди у.
Биринчи тўлқинлар бартараф этилганидан кейин ҳам улар томонидан оз-оздан бўлсада ҳужум давом этди, чунки украиналик аскарларнинг ўқлари тугаб, ўзлари қуршовда қолишганини айтди.
“Муаммо шунда эдики, вагнерчилар кутилмаганда бизни айланиб ўтиб, ўраб олишди. Биз охирги ўқ тугагунигача ўқ уздик, қўлимиздаги барча гранаталарни ташладик ва фақат мени ва бир нечта йигитларни қолида гранаталар қолди.
Биз бу вазиятда ожиз эдик, аммо бир оздан сўнг бизга омад кулиб боқди. Украиналик жангчилар сўнгги дақиқагача вагнерчиларни ушлаб турди, кейин “Вагнер” аскарлари кун охирида қурол-яроқлари тугагач чекинди.
Андрейнинг бўлинмаси “Вагнер”нинг бир жангчисини қўлга олганини айтди, унинг ҳикояси “Вагнер”нинг тактикаси ибтидоий ва шафқатсиз бўлгани каби фожиали деб тариф берган.
Сўроқ қилинаётган одамнинг ёзувига кўра, эркак муҳандис бўлиб, у пул топиш учун гиёҳванд моддаларни сотиш билан шуғулланган.
У “Вагнер”га ихтиёрий равишда қўшилган, қўшилишдан мақсад барча жиноятлари бекор қилиниши, шунда қизи адвокат бўлиш орзусида амалга оширадиган мақсадларида камроқ муаммоларга дуч келишини айтди.
“Сиз гўшт эканингизни қачон тушиндингиз?" - деб сўради Андрей.
“Биринчи жанговар топшириқда. Бизни 28 декабрда фронтга олиб келишди, кеча олдинга жўнатишди”.
"Гуруҳда нечта одам бор эди?"
"Ўнта", деб жавоб беради у.
Андрейнинг айтишича, у муҳандисга шундай деган: “Сиз (жангда) ҳалок бўлишингизни биласиз. Аммо сиз ўз мамлакатингизда эркинлигингиз учун курашишдан қўрқасиз.""У:" Ҳа, бу ҳақиқат. Биз Путиндан қўрқамиз деди."
Андрей Россия президенти Владимир Путинни яқинда мамлакатнинг Украина президенти Владимир Зеленскийга таққослади.
“Бизнинг афзаллигимиз шундаки, биз [руслар] масхарабоз деб атайдиган йигитни, биз ҳақиқий Президент деб атай оламиз. Ва биз кўриб турганимиздек, энди бу йигит ҳақиқатан ҳам бизнинг сайёрамизда эркин дунёнинг етакчиси”, — деб тарифлади.
Жануби-ғарбий Одесса шаҳридан бўлган ва Россия босқинидан бир неча кун ўтиб сафга қўшилган Андрей ўз позицияларига бостириб кириш учун яна қанча жангчи юборилмасин, улар қаршилик кўрсатишини айтди.
“Йигитларимнинг аксарияти кўнгиллилар. Уларнинг яхши бизнеслари, яхши ишлари, яхши маошлари бор эди, лекин улар ватанлари учун жанг қилишга келишган. Ва бу аскарлар сизларнинг аскарларингиздан катта фарқ қилади.
Бу озодлик учун уруш. Бу ҳатто Украина ва Россия ўртасидаги уруш эмас. Бу эркинлик ва демократия ўртасидаги уруш”, - дея ўз сўзини якунлади украиналик аскар.
Маълумот учун, Буюк Британия Ички ишлар вазирлиги "Вагнер" ХҲКни террорчилик ташкилоти сифатида белгилаш режаларини ишлаб чиқмоқда.
Қайд этилишича, бундан кейин Британияда ХҲКга тегишли бўлиш, унинг тадбирларида қатнашиш ва жамоат жойларида рамзларни тақиб юриш жиноий ҳаракатлар ҳисобланади.
Иззатилла Ниғматиллаев таржима қилди
