Сўнгги янгиликлар
Давлат олий таълим муассасалари учун тўрт йиллик қабул квоталари белгиланди
Турк Ривиерасининг “жонли” шаҳарлари ҳақида эшитганмисиз?
Юлдуз Усмонованинг қўшиғини куйлаган хонанда жаримага тортилди
Тошкентда «Lacetti» ва «Tracker» тўқнашуви оқибатида бир нафар пиёда вафот этди
Академик лицейларга кириш тест синовлари ўтказилиш санаси ва вақти аниқ бўлди
Янги ўқув йилидан бошлаб В2 сертификати мавжуд бўлмаган хорижий тил ўқитувчилари ишлан бўшатилади(ми?) Сертификат машмашаси қачон тугайди?!
Тошкентдаги кўчалардан бири 1 ойга ёпилди
Истанбулдан Тошкентга учган самолётда чақалоқ дунёга келди
Олтинсой ва Бойсун туманларига ҳоким тайинланди
Улуғбек Қосимов эски ҳокимларни ишдан бўшатишда давом этмоқда.
.jpg)
Сурхондарё вилоятида ҳокимлар тайинлови давом этмоқда. Бу сафар Олтинсой ва Бойсун туманларига ҳоким тайинланди. Бу ҳақда Сурхондарё вилояти ҳокимлиги Матбуот хизмати хабар бермоқда.
Қайд этилишича, Халқ депутатлари Олтинсой тумани кенгашининг навбатдан ташқари сессиясида ташкилий масала кўриб чиқилган.
Сессияда шу кунга қадар туман ҳокими лавозимида ишлаб келаётган Алишер Джумаев вазифасидан озод этилди. Туман ҳокими лавозимига Махматраемов Бахром Омонович тасдиқланди.
Бахром Махматраемов 1974 йил 7 июнда Денов туманида туғилган. 2000 йил Термиз давлат университети, 2006 йил Банк-молия академиясини тугатган.
Маълумоти бўйича мутахассислиги автотранспорт корхоналари менежери, солиқлар ва солиққа тортиш.
Бахром Махматраемов 1996-2021 йилларда Давлат солиқ қўмитаси, Молия вазирлиги, Ҳисоб палатасида турли лавозимларда фаолият юритган. 2021 йилдан буён Кинематография агентлиги бош директорининг ўринбосари лавозимида ишлаб келаётган эди.
Шунингдек, Бойсун туманида ҳам бўлиб ўтган навбатдан ташқари сессиясида туман ҳокими лавозимида ишлаб келаётган Асқарали Жўраев ишдан бўшатилди. Туман ҳокими лавозимига Шукуров Бохадир Шотураевич тасдиқланди.
Бохадир Шукуров — 1973 йил 1 январда Бойсун туманида туғилган. 1995 йил Тошкент давлат университети, 2004 йил Тошкент давлат юридик институти, 2006 йил Давлат ва жамият қурилиши академиясини тугатган. Маълумоти бўйича мутахассислиги физик, ҳуқуқшунос.
Б.Шукуров 1994-2022 йилларда Экология давлат қўмитаси, Вазирлар Маҳкамаси ва Олий Мажлис Сенатида турли лавозимларда фаолият юритган. 2022 йилдан буён Вазирлар Маҳкамасининг Экологик назорат бўлими мудири лавозимида ишлаб келаётган эди.
