Сўнгги янгиликлар
Истанбул 18–21 сентябрда Босфор Кубоги 2025 қайиқлар пойгасига мезбонлик қилади
Ҳамюртимиз “Юксак эҳтиром” халқаро эсдалик кўкрак нишони билан тақдирланди
Фарғона деҳқон бозоридаги нарх-навo халқ учунми ёки…
Сентябрдан бошлаб мигрантлар илова орқали кузатилади
Касб ва хорижий тилларга ўқитиш учун ваучер бериш тартиби белгиланди
Касб ва хорижий тилларга ўқитиш учун ваучер бериш тартиби белгиланди
Фарғонада уй боғчасида 43 нафар болага ноқонуний диний сабоқ бериб келингани аниқланди
Ўзбекистон ва Иордания ўртасида 15 та ҳужжат имзоланди
Навоийда Тожикистондан келтирилган қарийб 5 кг наркотик модда мусодара қилинди – ДХХ
Давлат хавфсизлик хизматининг гиёҳвандлик воситаларининг ноқонуний айланмасига қарши курашиш доирасида Навоий вилояти бўйича бошқармаси ходимлари томонидан вилоят ички ишлар бошқармаси билан ҳамкорликда кўп босқичли тезкор тадбир ўтказилди.
Дастлаб Кармана туманида жойлашган «Самарқанд мунтазам» ЙПХ масканида «Спарк» русумли автомашина тўхтатилиб текширилганда, унда йўловчи сифатида кетаётган, Урганч туманида яшовчи, 1999 й.т., муқаддам судланган А.Б.нинг ёнида 992 гр. «гашиш» моддаси борлиги аниқланиб, процессуал тартибда расмийлаштириб олинган.
Тезкор суриштирув ҳаракатлари давомида у наркотик моддани Ургут туманида истиқомат қилувчи, 1996 й.т., муқаддам судланган Т.М.дан сотиб олганлиги маълум бўлиб, у ҳам қўлга олинган.
Ўз навбатида ушбу наркосавдогар ажал оғусини Самарқанд шаҳрида яшовчи фуқаролардан харид қилганлиги аниқланди ва унинг иштирокида назорат остида олиш тезкор-қидирув тадбири ўтказилди.
Жумладан, Самарқанд шаҳрида яшовчи, 1991 й.т., муқаддам гиёҳвандлик воситалари билан боғлиқ жинояти учун судланган аёл Х.Х. ва унинг турмуш ўртоғи, 1982 й.т. Х.Ф. 2 кг 966 гр. «гашиш» моддасини 21 минг АҚШ долларига сотаётган вақтларида ушланди.
Бундан ташқари, тезкор тадбир давомида Булунғур туманида яшовчи, 1985 й.т. Х.М. ҳам 954 гр. «опий» моддасини Самарқанд шаҳрида сотаётган вақтида қўлга олинди. Таъкидлаш лозимки, ушбу гиёҳвандлик воситалари Тожикистон Республикасидан контрабанда йўли билан келтирилган. Ҳозирда мазкур шахсларга нисбатан Жиноят Кодексининг 273-моддаси 5-қисми билан жиноят иши қўзғатилиб, тергов ҳаракатлари олиб борилмоқда.
