So`ngi yangiliklar
Storitelling va mutolaaning inson rivojidagi oʻrni...
Parlamentda Nukus voqealari bo‘yicha tuzilgan komissiya axboroti tinglandi
Navoiyga Mongoliyadan 1000 boshga yaqin Bayat zotiga mansub qo‘ylar olib kelindi
Faollar aytayotgan “iqtidor” egasi oddiy “Virtual valyutachi” boʻlgan...
Rustam Minnixanov boshchiligidagi Tatariston delegatsiyasi Navoiy viloyatiga tashrif buyurdi
Tojikistonning Konibodomida yana to‘rt kishining jasadlari topildi. Mahalliy aholi vahimada
Tahlil qilingan davlat xaridlarida «Davlat xaridlari to‘g‘risida»gi qonunning tegishli modda talablari buzilganlik holatlari aniqlandi
Ichki audit xizmati xodimlarining faoliyati samaradorligini baholash tartibi belgilandi
“Yuksalish” maktablarda oʻqish boshlanishini keyingi haftaga qoldirishga chaqirdi
Avvalroq Oʻzbekistonga anomal sovuq ob-havo kirib kelishi munosabati bilan barcha boʻgʻindagi taʼlim muassasalarida qishki taʼtil muddati 17-yanvarga qadar uzaytirilgan edi.
Xabaringiz bor, 2023-yil 11-yanvardan boshlab universitetlar, texnikum, kollej va akademik litseylarda bosqichma-bosqich dars mashgʻulotlari boshlanishi maʼlum qilindi.
“Yuksalish” umummilliy harakati raisi, Oliy Majlis deputati Bobur Bekmurodov oʻqish jarayonlarini keyingi haftadan boshlash masalasini koʻrib chiqishga chaqirdi.
“Biz mahalliy davlat hokimiyati organlari va taʼlim jarayonlariga masʼul hududiy idoralarni maktabgacha va maktab taʼlimi muassasalarida oʻqish jarayonlarini keyingi haftadan boshlash masalasini koʻrib chiqishga chaqiramiz.
Avvalo, anomal sovuq va yogʻingarchilik sharoitida oʻquvchilarning taʼlim muassasiga yetib kelishi keskin qiyinlashadi. Ayrim qishloqlarda bolalar bir necha kilometr piyoda yurib maktabga qatnashini inobatga olish zarur.
Qolaversa, murojaatlarga koʻra, qator hududlarda maktabgacha va maktab taʼlimi muassasalarida isitish tizimlari toʻlaqonli yoʻlga qoʻyilmagan.
Oʻqishni boshlashning aniq muddatini belgilash qarori nafaqat taʼlim muassasalari maʼmuriyati, balki ota-onalar va pedagogik tarkib bilan maslahatlashgan holda qabul qilinishi lozim”, — deb yozdi Bekmurodov.
Eslatib oʻtamiz, avvalroq Oʻzbekistonga anomal sovuq ob-havo kirib kelishi munosabati bilan barcha boʻgʻindagi taʼlim muassasalarida qishki taʼtil muddati 17-yanvarga qadar uzaytirilgan edi. Oʻqish jarayonlari 18-yanvar, chorshanba kunidan boshlanishi belgilangandi.
