title

So`ngi yangiliklar

10:22 / 2025-12-11 77

Umra xizmatlari bo‘yicha noqonuniy reklama tarqatgan turoperatorlar jazolandi

10:02 / 2025-12-11 66

Notariuslikka talabgorlar uchun o‘quv kurslarini tashkil etish tartibi tasdiqlandi

18:17 / 2025-12-10 100

Navoiyda qishloq xo‘jaligi xodimlari taqdirlandi

22:27 / 2025-12-09 186

Ayrim hududlarda davlat organlarida kadrlar rotatsiyasi tizimi joriy etiladi

15:44 / 2025-12-09 187

Andijon viloyati hokimiga yangi o‘rinbosarlar tayinlandi

13:44 / 2025-12-09 194

Humans ilovasida yuz bergan ruxsatsiz pul yechish holatlari bo‘yicha Markaziy bank rasmiy bayonot berdi

13:14 / 2025-12-09 146

Fuqarolar va tadbirkorlar uchun ijtimoiy nafaqa va sug‘urta tizimi yangi bosqichga ko‘tarildi

12:52 / 2025-12-09 148

“Tamakini emas, hayotni tanlang!” – "Toshkent-AERO" ixtisoslashtirilgan bojxona kompleksi

13:33 / 2023-01-06 481 0 Jamiyat

Manzil-koloniyasidan qochgan mahkumlar Andijonda ushlandi

Holat yuzasidan tekshiruv tayinlangan, jazoni ijro etish muassasasini ruxsatsiz tark etgan mahkumlarning harakatlariga huquqiy baho beriladi.

Joriy yilning 4-yanvar kuni Jizzax viloyati Zafarobod tumanida joylashgan 30-son jazoni ijro etish manzil-koloniyasida jazo muddatini oʻtab kelayotgan mahkumlar N.M. va K.A.lar, kechki yoʻriqnomaga kelmaganliklari va maʼmuriyatning ruxsatisiz muassasa hududini tark etganliklari haqida xabar berilgan edi.

IIV JIED axborot xizmatining maʼlum qilishicha, koloniyadan qochib, nomaʼlum tomonga ketgan mahkumlar ushlangan. Amalga oshirilgan tezkor-qidiruv tadbirlari jarayonida joriy yilning 5 dan 6-yanvarga oʻtar kechasi mahkumlar N.M. va K.A. Andijon viloyatining chegara hududlaridan birida jamoatchilik yordamida qoʻlga olinib, vaqtincha saqlash hibsxonasiga joylashtirilgan.

Holat yuzasidan tekshiruv tayinlangan boʻlib, jazoni ijro etish muassasasini ruxsatsiz tark etgan mahkumlarning harakatlariga huquqiy baho berilishi taʼminlanadi.

Qoʻshimcha kilinishicha, Oʻzbekiston Respublikasi Jinoyat-ijroiya kodeksining 114-moddasiga koʻra jazoni ijro etish muassasasi hisoblangan manzil-koloniyalarda jazo muddatini oʻtayotgan mahkumlar koloniya hududi doirasida soqchisiz, erkin yurish, ishlash, maʼmuriyatning ruxsati bilan koloniya hududidan tashqarida nazoratsiz harakatlanish huquqidan foydalanadilar.

Belgilangan tartibni buzgan mahkumlar qatʼiy nazorat ostiga, yaʼni ilgari jazo muddatini oʻtagan umumiy, qattiq yoki maxsus tartibli koloniyalarga qaytariladilar.