So`ngi yangiliklar
Tarix va tabiat uygʻunlashgan shahar: Egey mintaqasining sirli xazinasi Didim haqida
Qoraqalpogʻistonda bir oilaning 3 nafar aʼzosi koʻlda choʻkib ketdi
Buxorocha "davleniya": Sudning mustaqilligi qayerda qoldi?
Ҳафта бошида баъзи жойларда чанг-тўзонлар кузатилади
Namanganda yuk mashinasi savdo doʻkoniga borib urildi
“Salimboyvachcha” Toshkentda koʻrinish berdi
Oʻzbekistonda tugʻilish kamayib, oʻlim holati koʻpaymoqda
Turkiyada oʻrmon yongʻinlari avj olmoqda
Qashqadaryoda “Dok-1 Maks” ortidan 1 yoshli goʻdak vafot etdi
Qashqadaryo viloyati Dehqonobod tumanida 1 yoshli goʻdak “Dok-1 Maks” siropini isteʼmol qilish ortidan 28-dekabr kuni vafot etgan. Bu haqda viloyat prokuraturasi xabar bermoqda.
Maʼlum qilinishicha, Dehqonobod tumanida yashagan 14.08.2021-yilda tugʻilgan X.Sh 5 kun davomida oʻz turar joyida “Dok-1 Maks” siropini isteʼmol qilib kelib, sogʻligi yomonlashganligi sababli 27.12.2022-yilda Respublika shoshilinch tibbiy yordam ilmiy amaliy markazi Qashqadaryo filialiga olib kelinib, koʻrsatilgan tibbiy yordamga qaramasdan, 28.12.2022-yilda vafot etgan.
Mazkur holat yuzasidan Qarshi shahar prokuraturasi tomonidan Jinoyat kodeksining 186-3-moddasi bilan jinoyat ishi qoʻzgʻatilib, dastlabki tergov harakatlari olib borilmoqda.
Maʼlumot uchun, Sogʻliqni saqlash vazirligi Farmatsevtika tarmogʻini rivojlantirish agentligining 23.12.2022-yildagi buyrugʻi bilan “Dok-1 Maks” dori vositalarini dorixonalardan qaytarib olish belgilangan.
“Sizlardan “Dok-1 Maks” dori vositalarini qabul qilmaslikni, ushbu dori vositalari sotilayotganligi hamda tavsiya qilinayotganligidan xabar topsangiz darhol prokuratura va boshqa huquqni muhofaza qiluvchi organlarga xabar berishingizni soʻraymiz”, deyiladi prokuratura xabarida.
