“Oʻqituvchilar maoshlarini oshirdik, lekin bu bilan toʻxtab qolmaymiz. Imkoniyatimiz boʻlishi bilan yana koʻpaytiramiz”, — Prezident

Prezident Shavkat Mirziyoyev yangi avlod oʻquv darsliklari taqdimotida nutq soʻzlamoqda:

“Mana bugun taʼlim sifatini oshirish, yangi darsliklar masalasida gaplashamiz. Xoʻsh, bu yangi darsliklarni farzandlarimizga kim yetkazadi? Albatta muallim! Men bekorga muallimning obroʻsini koʻtarish haqida takror-takror gapirmayman. Bugungi globallashuv davrida taʼlim, kelajak avlod barkamolligi qay darajada muhimligini yanayam kuchliroq anglab yetyapmiz.

Bugun yoshlarimiz, bolalarimizning oʻzi “Bizga kechagi kun taʼlimi kerak emas” degan talabni qoʻyishyapti. Hozirgi islohotlarimizni reajalashtiryapmiz, katta-katta marralarni qoʻyyapmiz. Ularni aytish oson, lekin bajarish azob. Lekin har qancha qiyin boʻlmasin biz farzandlarimiz uchun bu islohotlarni amalga oshirish uchun harakat qilishimiz shart.

Bugungi intiluvchi bolalar kelajakda sizning oltin fondingizga aylanadi. Ularning yutuqlaridan faxrlanasiz. “Men jonajon vatanim uchun qanday hissa qoʻshyapman?!” degan savolga javob oʻz ustimizda ishlashimiz va farzandlarimiz kamoloti boʻladi.

Yilimiz nomini ham taʼlimga bogʻlaganimiz bejiz emas. Bu masala mening doimiy diqqat markazimda boʻladi. Maoshlaringizni oshirdik, lekin bu bilan toʻxtab qolmaymiz. Imkoniyatimiz boʻlishi bilan yana koʻpaytiramiz”.

“Effect.uz”ни “Telegram”да кузатинг

“Effect.uz”ни “Facebook”да кузатинг

“Effect.uz”ни “YouTube”да кузатинг

Effect.uz'ни Инстаграмда кузатинг