“Oldin yangi vazir kelsa, koʻpchilikni ishdan boʻshatvorib, oʻzining jamoasini tuzardi. Endi unday boʻlmaydi” — Otabek Xasanov

Otabek Xasanov vacancy.argos.uz portali boʻyicha yuzaga kelgan savollarga javob berdi.

Prezident huzuridagi Davlat xizmatini rivojlantirish agentligi direktorining birinchi oʻrinbosari Otabek Xasanov vacancy.argos.uz portali faoliyati vaqtincha toʻxtatilganini maʼlum qildi.

“Bizga savol bilan murojaat qilishyapti, “men boshqarma boshligʻi lavozimida ishlab kelyapman, boshqa joyga yana tanlovdan oʻtib ishga joylashamanmi” deb. Yoʻq. </em>

<em>Agar yangi joydagi teng lavozimga davlat xizmatchisi tavsiya qilinayotgan boʻlsa, bu rotatsiya shaklida boʻladi va u tanlovdan oʻtmaydi. Shuning uchun, biz vacancy.argos.uz portalida vaqtinchalik tanlovlarni eʼlon qilishni 15-20-yanvarga qadar toʻxtatdik. </em>

"Tegishli tashkilotlar bilan shtatlarni qayta koʻrib chiqqanimizdan soʻng, qayerda ochiq joy qolgan boʻlsa, keyin tanlovlarni eʼlon qilamiz. Odamlarni ikki marta ovora qilmasligimiz kerak. Lavozimi teng joyga va lavozimidan pastga ishga oʻtayotganlar uchun tanlov boʻlmaydi.

Adliya vazirligi va Davlat xizmatini rivojlantirish agentligi 1 oy muddatda qaysi vazirlikda, qaysi lavozimlar majburiy boʻlishini belgilab beradi. Qolganlari boʻyicha vazirlikning oʻziga vakolat berilmoqda.</em>

Oldin yangi vazir kelsa, koʻpchilikni ishdan boʻshatvorib, oʻzining jamoasini tuzardi. Endi unday boʻlmaydi. Qonunda davlat xizmatchisiga kafolatlar berib qoʻyilgan.</em>

<em>Hozirda ichki tanlov va tashqi tanlov eʼlon qilyapmiz. Tanlovdan kim oʻtsa, oʻsha ishga kiradi. Bu jarayonlarning adolatli boʻlishiga esa, Davlat xizmatini rivojlantirish agentligi va boshqa tashkilotlar javob beradi. Yangi strukturaning boʻsh qolgan joylariga ishga qabul qilish ochiq tanlov asosida boʻladi”, — dedi u.

“Effect.uz”ни “Telegram”да кузатинг

“Effect.uz”ни “Facebook”да кузатинг

“Effect.uz”ни “YouTube”да кузатинг

Effect.uz'ни Инстаграмда кузатинг