So`ngi yangiliklar
Prezident Shavkat Mirziyoyev O‘zbekiston xalqiga Konstitutsiya kuni munosabati bilan bayram tabrigi yo‘lladi
Toshkentda giyohvandlik moddalari muomalasi bilan shug‘ullangan ikki talaba qo‘lga olindi
Navoiyda 300 MVt quyosh fotoelektr stansiyasi va 75 MVt quvvatli energiya saqlash tizimi qurilishi boshlandi
Qozog‘istondagi avariyada O‘zbekiston fuqarolari halok bo‘ldi
Opta superkompyuteri 2026 yilgi Jahon chempionati uchun asosiy favoritni taxmin qildi
O‘zbekistonda turizm sohasida barqaror o‘sish qayd etildi
Turkiyaning Konya shahrida Jaloliddin Rumiy xotirasiga bag‘ishlangan “Shab-i arus” marosimi o‘tkaziladi
Pop tumanida 3,4 magnitudali zilzila ro‘y berdi
“Tartibga solish qumdoni” doirasida ipoteka obligatsiyalari muomalasi tartibi tasdiqlandi
O‘zbekistonda ipoteka bozorini yanada shaffof va tartibli qilib rivojlantirish maqsadida “Tartibga solish qumdoni” maxsus huquqiy rejimi doirasida ipoteka obligatsiyalarining chiqarilishi va muomalasi bo‘yicha yangi tartib tasdiqlandi. Ushbu nizom ipoteka obligatsiyalari emissiyasida talablar, nazorat mexanizmlari va to‘lov tartiblarini aniq belgilab beradi.
Adliya vazirligi tomonidan “Ipoteka obligatsiyalarini chiqarish sohasida 'Tartibga solish qumdoni' maxsus huquqiy rejimi doirasida ipoteka obligatsiyalarining emissiyasi va muomalasi to‘g‘risida”gi vaqtinchalik nizom davlat ro‘yxatidan o‘tkazildi.
Nizomga muvofiq, “Qimmatli qog‘ozlar markaziy depozitariysi” AJ ipoteka obligatsiyalari bo‘yicha to‘lov agenti etib belgilandi. Foizlarni to‘lash va obligatsiyalar nominal qiymatini so‘ndirish ushbu depozitariy orqali amalga oshiriladi.
Ipoteka qoplamasiga kiritiladigan ipoteka kreditlari bir qator talablarga javob berishi shart. Jumladan:
kreditning garovga nisbati 75 foizdan kam bo‘lmasligi;
qarz oluvchining qarz yuki ko‘rsatkichi 70 foizdan oshmasligi;
kredit berilganiga kamida 6 oy o‘tgan bo‘lishi.
Bundan tashqari, ipoteka kreditlari bo‘yicha ipoteka va kredit shartnomalari, to‘lovlar jadvali, sug‘urta polisi, garov obyekti mansubligini tasdiqlovchi hujjat va ipoteka shartnomasi ro‘yxatdan o‘tgani to‘g‘risidagi ko‘chirma taqdim etilgan bo‘lishi lozim.
Nizomga muvofiq, ipoteka obligatsiyalari bo‘yicha barcha moliyaviy to‘lovlar faqat Markaziy depozitariy orqali amalga oshiriladi.
.jpg)
