So`ngi yangiliklar
Prezident Shavkat Mirziyoyev O‘zbekiston xalqiga Konstitutsiya kuni munosabati bilan bayram tabrigi yo‘lladi
Toshkentda giyohvandlik moddalari muomalasi bilan shug‘ullangan ikki talaba qo‘lga olindi
Navoiyda 300 MVt quyosh fotoelektr stansiyasi va 75 MVt quvvatli energiya saqlash tizimi qurilishi boshlandi
Qozog‘istondagi avariyada O‘zbekiston fuqarolari halok bo‘ldi
Opta superkompyuteri 2026 yilgi Jahon chempionati uchun asosiy favoritni taxmin qildi
O‘zbekistonda turizm sohasida barqaror o‘sish qayd etildi
Turkiyaning Konya shahrida Jaloliddin Rumiy xotirasiga bag‘ishlangan “Shab-i arus” marosimi o‘tkaziladi
Pop tumanida 3,4 magnitudali zilzila ro‘y berdi
Prezident Shavkat Mirziyoyev: “Bu bog‘da yerga mehr, sidqidildan qilingan mehnat ko‘rinib turibdi. Natijasi, avvalo, daromad, xalqimizga manfaat”
Prezident Shavkat Mirziyoyev Bo‘stonliq tumanining Chimyon mahallasida barpo etilayotgan yirik agrosanoat bog‘i bilan tanishdi. Loyiha yiliga 24 ming tonnaga yaqin mahsulot yetishtirish, 12 mingdan ziyod kishini ish bilan ta’minlash va eksport salohiyatini oshirishga xizmat qiladi.
Prezident Shavkat Mirziyoyev Bo‘stonliq tumanining Chimyon mahallasida barpo etilayotgan agrosanoat bog‘ini borib ko‘rdi.
Bo‘stonliqda suv mo‘l, yeri unumdor. Shu imkoniyatlardan kelib chiqib, hududda turizm va agrar soha uyg‘un rivojlantirilmoqda. Jumladan, Chimyon mahallasida 3 ming gektar maydonda malina, qorag‘at, qulupnay, o‘rmon yong‘og‘i kabi mevalar yetishtirish yo‘lga qo‘yilgan.
Loyihaning umumiy qiymati 60 million dollardan ortiq bo‘lib, bog‘lar tashkil etish, mevani qayta ishlash korxonalari hamda katta sig‘imli omborxonalar qurish nazarda tutilgan. Ayni paytda 50 gektarda malina va qulupnayning xorijiy eksportbop navlari ekilgan. Bog‘ to‘liq tomchilatib sug‘oriladi. Malinaning har gektaridan 400 million so‘m, qulupnaydan esa 500 million so‘mgacha daromad olinishi kutilmoqda.
Loyiha to‘liq amalga oshirilgandan keyin yiliga 24 ming tonnaga yaqin mahsulot yetishtiriladi. Uning salmoqli qismi – o‘rmon yong‘og‘i va rezavorlar eksportga yo‘naltiriladi. Eng muhim jihati, bog‘larda 12 mingdan ziyod kishi ish bilan ta’minlanadi.
Davlatimiz rahbari loyihani qo‘llab-quvvatlar ekan, qayta ishlash jarayonlarini ham rivojlantirish zarurligini ta’kidladi. Zamonaviy yondashuv – navni tanlashdan tortib, ishlov berish, mevalarni terish va saralashgacha sifat va xaridorgirlikni ta’minlaydi.
– “Bu bog‘da yerga mehr, sidqidildan qilingan mehnat ko‘rinib turibdi. Natijasi, avvalo, daromad, xalqimizga manfaat. Bu jihatlari boshqa an’anaviy ekinlarga nisbatan bir necha barobar yuqori. Shuning uchun bunday mahsulotlar yetishtirishni ko‘proq odamlarga o‘rgatib, daromadini ko‘paytirish kerak”, – dedi Prezident Shavkat Mirziyoyev.
.jpg)
