So`ngi yangiliklar
Prezident Shavkat Mirziyoyev O‘zbekiston xalqiga Konstitutsiya kuni munosabati bilan bayram tabrigi yo‘lladi
Toshkentda giyohvandlik moddalari muomalasi bilan shug‘ullangan ikki talaba qo‘lga olindi
Navoiyda 300 MVt quyosh fotoelektr stansiyasi va 75 MVt quvvatli energiya saqlash tizimi qurilishi boshlandi
Qozog‘istondagi avariyada O‘zbekiston fuqarolari halok bo‘ldi
Opta superkompyuteri 2026 yilgi Jahon chempionati uchun asosiy favoritni taxmin qildi
O‘zbekistonda turizm sohasida barqaror o‘sish qayd etildi
Turkiyaning Konya shahrida Jaloliddin Rumiy xotirasiga bag‘ishlangan “Shab-i arus” marosimi o‘tkaziladi
Pop tumanida 3,4 magnitudali zilzila ro‘y berdi
Namanganda 7,2 mlrd so‘mlik yashirin dori omborlari aniqlandi
Namangan viloyatida olib borilgan tezkor tadbir davomida kontrafakt va hujjatsiz dori vositalari saqlangan omborxonalar fosh etildi. Ulardan umumiy qiymati 7,2 milliard so‘mga teng 100 mingdan ortiq quti dori topildi va hozirda mazkur holat yuzasidan qonuniy choralar ko‘rilmoqda.
Davlat xavfsizlik xizmati xodimlari Namangan viloyati bojxona boshqarmasi va Iqtisodiy jinoyatlarga qarshi kurashish departamenti bilan hamkorlikda o‘tkazgan tezkor tadbirda noqonuniy dori savdosi fosh etildi.
Ma’lum bo‘lishicha, Uychi tumanida yashovchi 1985, 1992 va 1993 yillarda tug‘ilgan 3 nafar fuqaro o‘zaro til biriktirib, kontrafakt va sifat sertifikatisiz dori vositalarini noqonuniy sotish bilan shug‘ullanib kelgan.
Tezkor tadbir davomida ularga tegishli Namangan shahri va Uychi tumanidagi 5 ta yashirin ombor ko‘zdan kechirildi.
Natijada, Xitoy, Rossiya, Xindiston, Fransiya, Italiya, Turkiya, Vetnam, Isroil, Polsha, Ukraina, Germaniya va boshqa mamlakatlarda ishlab chiqarilgan, hujjatsiz va kontrafakt hisoblangan dori vositalari aniqlandi. Ularning umumiy hajmi 102 640 quti (1267 turda) bo‘lib, taxminiy qiymati 7,2 mlrd so‘mni tashkil etgan. Shuningdek, kuchli ta’sir etuvchi moddalar qatoriga kiruvchi “Testosteron” va “Retobolil” preparatlari ham ombordan topilgan.
Aniqlanishicha, mazkur dorilar Qirg‘iz Respublikasidan aylanma yo‘llar orqali mamlakatga noqonuniy olib kirilgan.
Holat yuzasidan O‘zbekiston Respublikasi Jinoyat kodeksining 186-3 va 251-1-moddalari asosida jinoyat ishi qo‘zg‘atilishi rejalashtirilgan. Hozirda tergovga qadar surishtiruv ishlari olib borilmoqda.
.jpg)
