So`ngi yangiliklar
Oʻzbekiston yuqori daromadli davlat boʻlishi uchun 100-yil kerak
Xorvatiyaga ishga yuborishni vaʼda qilgan firibgarlar ushlandi
Migratsiya agentligi xorijdagi fuqarolarni urush xavfidan ogohlantirdi
Oʻzbekistonda iyul oyida yangi avtomobil sotuvlari rekord darajada oshdi
Tramp va Putin Ankorijdagi harbiy bazada uchrashadi
Bloger Aziz Hakimov Sherzodxon Qudratxoʻjani haqorat qilgani uchun jarimaga tortildi
Davlat rahbaridan ulkan tashabbus
Andijonda 4,6 mlrd soʻmlik elektr oʻgʻriligi fosh etildi
Oʻzbekistonda iyul oyida yangi avtomobil sotuvlari rekord darajada oshdi
2025-yil iyul oyida Oʻzbekiston avtomobil bozorida sotuvlar sezilarli oshdi. Bu haqda Iqtisodiy tadqiqotlar va islohotlar markazi (ITIM) xulosasida maʼlum qilindi.
Maʼlumotlarga koʻra, ushbu oyda 116,8 mingta avtotransport vositasi sotilgan. Bu iyun oyiga nisbatan 27 foizga koʻp boʻlib, 2024-yil yanvaridan beri eng yuqori koʻrsatkich hisoblanadi.
ITIM ekspertlariga koʻra, yengil avtomobillar segmentidagi oʻsish aholi xarid qobiliyati tiklanayotganini va talabning hududlar boʻyicha kengayayotganini koʻrsatmoqda.
Jami yengil avtomobillar sotuvi qariyb 100 mingtaga yetdi, bu oʻtgan oyga nisbatan 25 foiz koʻpdir. Eng katta oʻsish Toshkent viloyatida (51%), Namangan viloyatida (49%) va Xorazm viloyatida (40%) qayd etildi.
Birlamchi bozorda ham ijobiy dinamika kuzatildi. Yaʼni, iyul oyida yangi yengil avtomobillar sotuvi 38,2 foizga oshib, 38,4 mingtaga yetdi.
Shu jumladan, mahalliy ishlab chiqarilgan yangi yengil avtomobillar hali ham bozorda ustuvor oʻrinni egallab, 32,9 mingta sotuv bilan 38,6 foiz oʻsish qayd etdi.
Chet elda ishlab chiqarilgan yangi yengil avtomobillar sotuvi ham oʻsish qayd etib, 5,4 mingtaga yetdi. Bu iyun oyiga nisbatan 35,8 foiz koʻpdir.
