So`ngi yangiliklar
Oʻzbekistonda 3 mingdan ortiq ayol taksistlik qilmoqda
Rossiya janubida dronlar neft zavodi va temir yoʻlni nishonga oldi
Samarqandda “maxfiy” oltin konlar xaritalarini sotmoqchi boʻlgan kompaniya direktori ushlandi
Qashqadaryoda uyida 60 tup kannabis ekkan fuqaro qoʻlga olindi
Oʻzbekiston iyun oyida dunyoda eng koʻp oltin sotib oldi
Chorvachilikda yangi qonun: bir martalik identifikatsiya bepul boʻladi
Ombudsmanning taqdimnomasiga asosan SSV Respublika kuzatuv kuchaytirilgan ruhiy kasalliklar shifoxonasiga qariyb 2 mlrd mablagʻ ajratdi
Oʻzbekistonda 6 oyda 5 mingdan ortiq fuqaro oilaviy zoʻravonlik uchun jazolandi
Oʻzbekistonda 3 mingdan ortiq ayol taksistlik qilmoqda
Oʻzbekistonda faoliyat yuritayotgan taksistlar soni va oʻrtacha narxlar maʼlum qilindi.
Bu haqda “Fiskal tahlillar” portali xabar qildi. Maʼlumotlarga koʻra, joriy yilning 7 oyi mobaynida 215 ta taksi agregatori soliq organlari axborot tizimlari bilan integratsiya qilingan boʻlib, ushbu koʻrsatkich oʻtgan yilga qaraganda 60 taga yuqori.
Yanvar iyul oylarida 262,2 million marta yoʻlovchi tashish amalga oshirilgan. Taksi bozori aylanmasi esa 5 trillion soʻmdan oshgan. Shundan 3,6 trillion soʻmi yoki 72,2 foiz qismini naqd toʻlovlar tashkil etgan. Naqdsiz pul oʻtkazmalari esa 1,4 trillion soʻmga yetdi. Shuningdek, oʻrtacha bitta chek narxi 19 077 soʻm boʻlib, oʻtgan yilgi narxlardan 621 soʻmga qimmatlashgan.
Respublikada taksi agregatorlari orqali 457,3 mingga yaqin haydovchi faoliyat yuritmoqda. Ularning yarmidan koʻpi, yaʼni 257 629 nafari 30-50 yoshda, 50 yoshdan kattalar 33 477 kishi, yoshlar esa 166 207 nafardir. Bundan tashqari, 3 480 nafar ayol ham taksistlik qilmoqda.
Yoʻlovchi tashishda eng koʻp xizmat qilayotgan mashina Cobalt boʻldi. Undan keyin Nexia va Lacetti turibdi. Elektromobillar esa ushbu xizmatdagi avtomobillarning 1,8%ini tashkil etadi.
Maʼlumot uchun, 7 oy davomida taksi xizmatini koʻrsatgan 1,8 ming haydovchi 100 million soʻmdan ortiq daromad oldi.
