So`ngi yangiliklar
Ombudsmanning taqdimnomasiga asosan SSV Respublika kuzatuv kuchaytirilgan ruhiy kasalliklar shifoxonasiga qariyb 2 mlrd mablagʻ ajratdi
Oʻzbekistonda 6 oyda 5 mingdan ortiq fuqaro oilaviy zoʻravonlik uchun jazolandi
“A.U.Ye.”dan ehtiyot boʻling
Oʻqituvchilarni “remont”ga majburlagan direktor jarimaga tortildi
Mirziyoyev Turkmanboshi shahrida Berdimuhamedov bilan uchrashdi
Истанбул: тарих, маданият ва унутилмас тажриба
Qashqadaryoda “Qizil kitob”dagi daraxtlar noqonuniy kesilmoqda – mas’ullar nega jim?
Sunʼiy intellekt Oʻzbekistonga 2,9 mlrd soʻm soliq toʻladi
Ombudsmanning taqdimnomasiga asosan SSV Respublika kuzatuv kuchaytirilgan ruhiy kasalliklar shifoxonasiga qariyb 2 mlrd mablagʻ ajratdi
Oliy Majlisning Inson huquqlari boʻyicha vakili (Ombudsman) ning Toshkent shahridagi mintaqaviy vakili tomonidan 2024-yilda Olmazor tumanida joylashgan Respublika kuzatuv kuchaytirilgan ruhiy kasalliklar shifoxonasiga oʻtkazilgan monitoring yakunlariga koʻra, aniqlangan kamchiliklarni bartaraf etish boʻyicha Sogʻliqni saqlash vazirligiga Ombudsman taqdimnomasi kiritilgan.
Vazirlik Ombudsman taqdimnomasiga javoban Respublika kuzatuv kuchaytirilgan ruhiy kasalliklar shifoxonasining nazorat rejasi ishlab chiqilib, kamchiliklar belgilangan muddatlarda bartaraf etilishini maʼlum qilan edi.
Ayni kunlarda Ombudsman tomonidan kiritilgan taʼsir choralari shaklidagi hujjatlarning ijrosi boʻyicha taqdim etilgan maʼlumotlar, keyingi monitoringda qayta tekshirilmoqda.
Shu sababdan Ombudsmanning Toshkent shahridagi mintaqaviy vakili ushbu shifoxonaga qayta monitoring oʻtkazgan. Aniqlanishicha, Ombudsman taqdimnomasida keltirilgan kamchiliklarni bartaraf etish maqsadida shifoxonaga Sogʻliqni saqlash vazirligi tomonidan Laboratoriya, fizioterapiya kabinetiga tibbiy jihozlar va rentgen apparatlari berilgan.
Shuningdek, 2025-yilga nazorat oʻtish punkti va qozonxonani taʼmirlash uchun 1 mlrd 300 mln soʻm mablagʻ hamda yumshoq jihoz va kiyim-kechaklar uchun 371 mln soʻm ajratilgan.
Faktlar tekshirilgach, muassasadagi bemorlarga yaratilgan yashash va ovqatlanish sharoitlari va dori-darmon taʼminoti oʻrganildi. Tashrif davomida 2014-yil 2-oktyabrdagi Vazirlar Mahkamasining “Psixiatriya davolash muassasasida majburiy davolashda boʻlgan bemorlarning ovqatlanish va ashyoviy taʼminoti meʼyorlarini tasdiqlash toʻgʻrisida”gi qarorining ovqatlanishga oid talablari buzilgani aniqlandi.
Shuningdek, majburiy davolanish oʻtayotgan ayrim bemorlarda shaxsini tasdiqlovchi hujjatlari yoʻqligi aniqlandi va tegishli choralar koʻrilishi belgilandi. Monitoring natijalari yuzasidan tegishli vazirlik va idoralarga Ombudsmanning taʼsir choralari shaklidagi hujjatlar kiritilishi taʼminlanmoqda.
