So`ngi yangiliklar
“Afsuski, ayrim “Ishonch telefonlari” nomiga tashkil qilingan yoki umuman ishlamaydi” – Akmal Burxonov
“Bosim oʻtkazilayotgani toʻgʻrisidagi xabarlar asossiz” – “Oʻzbektelekom” HUMANS ishi boʻyicha munosabat bildirdi
Oʻzbekistonning veterinariya sohasidagi tajribasi xalqaro miqyosda eʼtirof etildi
Turkiyada “Tungi muzeylar” loyihasi iyun oyida yangi mavsumini boshlaydi
Oʻzbekistonga C gepatitiga qarshi dorining joriy yildagi ilk partiyasi olib kelindi
Qibrayliklar oyoqqa turdi. Sababi nima?
5 ming yillik tarixga ega Birgi qishlogʻi haqida nimalar maʼlum?
Iznik: nasroniylikning tirik muzeyi
Shamsiddin Tojiyev Oliy sud sudyasi lavozimidan ozod etildi
Bildirilishicha, bugun, 30-aprel kuni Oliy Majlis Senatining oltinchi yalpi majlisi qaroriga asosan Shamsiddin Mamarejabovich Tojiyev Oliy sudining sudyasi lavozimidan ozod etilgan.
Oʻzbekiston Respublikasi Oliy sudining sudyasi lavozimida faoliyat yuritib kelayotgan Shamsiddin Tojiyev boshqa ishga oʻtgani munosabati bilan egallab turgan lavozimidan ozod etildi. Bu haqida Sudyalar oliy kengashi xabar berdi.
Oʻz navbatida Sudyalar oliy kengashi qarori bilan Shamsiddin Tojiyev sudyalik vakolat muddati davriga Toshkent shahar jinoyat ishlari boʻyicha Yunusobod tuman sudining raisi lavozimiga tayinlangan. Kengash qarori 2025-yil 1-maydan kuchga kirishi belgilangan.
Maʼlumot uchun, Shamsiddin Tojiyev 2019-yilning oktyabr oyida 10-yil muddatga Oliy sud sudyasi lavozimiga saylangandi.
U 1979-yilda Qashqadaryo viloyatida tugʻilgan. Millati – oʻzbek. Maʼlumoti – oliy. Mutaxassisligi – huquqshunos. 2001-yilda Toshkent davlat yuridik institutining bakalavr bosqichini, 2003-yilda Toshkent davlat yuridik institutining magistratura bosqichini tugatgan.
Shamsiddin Tojiyev mehnat faoliyatini Oliy sudda maslahatchi lavozimida boshlagan hamda faoliyati davomida Oliy sudning turli lavozimlarida ishlagan.
