So`ngi yangiliklar
Samarqandda harakatlanayotgan Tracker-2 yonib ketdi
Ertaga qanday ob-havo boʻladi?
“Toshshahartransxizmat”ning sobiq rahbari qamoqdan ozod etildi
Davlat oliygohlari uchun kvotalar tasdiqlandi
Oʻzbekistonda oʻrtacha oylik maosh 6 mln soʻmga yaqinlashdi
Ikki viloyatda oʻqishga kiritib qoʻyish uchun pora olganlar ushlandi
Avtosugʻurta narxi kamida 4 barobar oshiriladi
Toshkentdagi avariyada 20 yoshli haydovchi halok boʻldi
Samarqandda avtobus halokatida 22 kishi jarohatlangani aytilmoqda
Samarqand viloyatining Jomboy tumanida avtobus ag‘darilishi oqibatida bir kishi vafot etgani haqida xabar berilgan edi. Tumani tibbiyot birlashmasi bosh shifokorining ma’lum qilishicha, undan tashqari 22 nafar ayol jarohatlangan.
YTH 11-fevral kuni soat 7:00 lar atrofida “Samarqand” mahallasi hududidan o‘tuvchi M-39 avtomobil yo‘lining 1079-kilometrida sodir bo‘lgandi. Viloyat IIB yo‘l harakati xavfsizligi boshqarmasi axborotiga ko‘ra, avtohalokatga avtobus haydovchisi Cobalt rusumli transport vositasining holatini inobatga olmasdan tezlikni me’yoridan oshirib yuborgani va tormozni keskin ravishda bosgani sabab bo‘lgan.
Bosh shifokor Tozagul Xoliqovaning “Milliy” telekanaliga ma’lum qilishicha, shifoxonaga 23 nafar ayol yotqizilgan, ulardan biri voqea joyida halok bo‘lgan. Ayollarning jarohatlari og‘ir: 16 nafar yo‘lovchi jarrohlik bo‘limiga, ikki nafar ayol reanimatsiyaga yotqizildi. “Ularning ahvoli og‘irroq, reanimatsiyada davolanyapti”, degan shifokor.
YTHga uchragan turistik avtobus Samarqanddan Toshkentga ketayotgan bo‘lgan. Tergovning yakuniy xulosasiga ko‘ra jamoatchilikka qo‘shimcha ma’lumot berilishi ma’lum qilingan.
O‘zbekistonda 2024-yilda 9364 ta yo‘l-transport hodisasi sodir bo‘lgan. Buning oqibatida 2203 kishi vafot etgan, 8901 nafari tan jarohati olgan.
