So`ngi yangiliklar
“Afsuski, ayrim “Ishonch telefonlari” nomiga tashkil qilingan yoki umuman ishlamaydi” – Akmal Burxonov
“Bosim oʻtkazilayotgani toʻgʻrisidagi xabarlar asossiz” – “Oʻzbektelekom” HUMANS ishi boʻyicha munosabat bildirdi
Oʻzbekistonning veterinariya sohasidagi tajribasi xalqaro miqyosda eʼtirof etildi
Turkiyada “Tungi muzeylar” loyihasi iyun oyida yangi mavsumini boshlaydi
Oʻzbekistonga C gepatitiga qarshi dorining joriy yildagi ilk partiyasi olib kelindi
Qibrayliklar oyoqqa turdi. Sababi nima?
5 ming yillik tarixga ega Birgi qishlogʻi haqida nimalar maʼlum?
Iznik: nasroniylikning tirik muzeyi
Qamoqdagi sobiq Milliy Xavfsizlik amaldori barmoqlaridan ayrildi
Milliy xavfsizlik xizmatining ya’ni hozirgi davlat xavfsizlik xizmatining sobiq tergovchisi Nodir Toʻraqulov ehtiyotsizlik oqibatida barmoqlaridan ayrildi. Bu haqda inson huquqlari faoli Abdurahmon Tashanov ma’lum qildi.
Tashanovning aytishicha, bir necha advokatlar sobiq Milliy xavsizlik xizmatining oʻz vaqtida “Nodir Xudo” laqabini olgan jallodi Nodir Toʻraqulov 22-sonli koloniyadagi sexda ehtiyotsizlik ortidan 4 ta barmogʻidan ajragani haqida maʼlumot berdi.
"Prezidentning shijoati tufayli javobgarlikka tortilgan bu kimsa haqida turli afsonalar yuradi. Ehtimol, uning qilmishlarining bir qismi qonun nazoratidan chetda qolgandir, uning zulmini Yaratganga havola qilamiz", deb yozdi u Facebookʼdagi sahifasida.
Ma’lumot uchun Nodir Toʻraqulov 2018-yilning boshlarida, prezident Shavkat Mirziyoyev Surxondaryo viloyatining Qiziriq tumanida faollar bilan uchrashuv vaqtida Milliy xavfsizlik xizmatining viloyat boshqarmalaridagi xodimlari keskin tanqid qilinganidan keyin qamoqqa olingan bo’lib, 2018-yilning oktabrida 16 yil muddatga ozodlikdan mahrum etilgan va 81 mln soʻm miqdorida jarimaga tortilgan.
U Jinoyat kodeksining 10 dan ortiq moddasi boʻyicha ayblangan. Keyinchalik Toʻraqulov ustidan odam oʻgʻirlash, qotillik, qiynoqqa solish singari yana oʻnga yaqin modda bilan jinoyat ishi ham ochilgan.
