So`ngi yangiliklar
Samarqandda harakatlanayotgan Tracker-2 yonib ketdi
Ertaga qanday ob-havo boʻladi?
“Toshshahartransxizmat”ning sobiq rahbari qamoqdan ozod etildi
Davlat oliygohlari uchun kvotalar tasdiqlandi
Oʻzbekistonda oʻrtacha oylik maosh 6 mln soʻmga yaqinlashdi
Ikki viloyatda oʻqishga kiritib qoʻyish uchun pora olganlar ushlandi
Avtosugʻurta narxi kamida 4 barobar oshiriladi
Toshkentdagi avariyada 20 yoshli haydovchi halok boʻldi
Pokistonda terakt oqibatida 24 kishi vafot etdi
Pokistonning Kvetta shahrida sodir etilgan terakt qurbonlari soni 24 kishiga yetdi, 46 kishi jarohat oldi, deb xabar bermoqda “Dawn” politsiya maʼlumotlariga tayanib.
Yangilangan maʼlumotlarga koʻra, stansiyada portlash mahalliy vaqt bilan soat 08.25 Jaffer Express poyezdi Kvettadan Peshovarga joʻnashi kerak boʻlganidan biroz oldin sodir boʻlgan. Xudkush-terrorchi vokzalga yuklari bilan kirib, odatda koʻp odamlar toʻplanadigan temir yoʻl vokzalining kassasi yonida terakt sodir etgan.
Kvetta temir yoʻl vokzalidagi xudkushlik hujumi oqibatida kamida 24 kishi halok boʻldi, 46 kishi yaralandi”, dedi Kvetta komissari Hamza Shafqat, portlashda tinch aholidan tashqari, huquq-tartibot idoralari xodimlari ham halok boʻlgan.
Rasmiylar jamoatchilikni hujum joyiga yoki yaradorlar davolanayotgan shifoxonaga bormaslikka chaqirib, “bunday hodisalarda ikki marta hujum qilish xavfi borligini” qayd etdi.
“Biz hozir shaharni oʻrab oldik va tekshiruv oʻtkazmoqdamiz. Har qanday yigʻilish taqiqlangan”, deya qoʻshimcha qilgan Shafqat.
Rasmiylarga koʻra, portlash uchun masʼuliyatni taqiqlangan harbiylashtirilgan “Belujiston ozodlik armiyasi” guruhi oʻz zimmasiga olgan.
