So`ngi yangiliklar
“Afsuski, ayrim “Ishonch telefonlari” nomiga tashkil qilingan yoki umuman ishlamaydi” – Akmal Burxonov
“Bosim oʻtkazilayotgani toʻgʻrisidagi xabarlar asossiz” – “Oʻzbektelekom” HUMANS ishi boʻyicha munosabat bildirdi
Oʻzbekistonning veterinariya sohasidagi tajribasi xalqaro miqyosda eʼtirof etildi
Turkiyada “Tungi muzeylar” loyihasi iyun oyida yangi mavsumini boshlaydi
Oʻzbekistonga C gepatitiga qarshi dorining joriy yildagi ilk partiyasi olib kelindi
Qibrayliklar oyoqqa turdi. Sababi nima?
5 ming yillik tarixga ega Birgi qishlogʻi haqida nimalar maʼlum?
Iznik: nasroniylikning tirik muzeyi
Normat Tursunov Uchquduq tumani hokimini ishdan oldi
Viloyat hokimining kengashga taqdim qilgan qarorida Soli Xamroyev nima sababdan ishdan boʻshatilgani aytilmagan.
Uchquduq tumani hokimi Soli Xamroyev egallab turgan lavozimidan ozod etildi. Uning oʻrnini Uchqun Yelmuratov egalladi. Viloyat hokimligining axborot xizmatining maʼlum qilishicha, Xalq deputatlari Uchquduq tumani kengashining navbatdan tashqari toʻqson ikkinchi sessiyasi boʻlib oʻtgan.
Sessiyada Navoiy viloyat hokimi Tursunov Normat Toʻlqunovich ishtirok etib, kun tartibidagi masala yuzasidan Uchquduq tumanining ijtimoiy-iqtisodiy koʻrsatkichlarini tanqidiy tahlil qilgan.
Shundan soʻng, deputatlar viloyat hokimining 2024-yil 17-iyuldagi Soli Xamroyevni Uchquduq tumani hokimi lavozimidan ozod etish toʻgʻrisidagi qarorini bir ovozdan maʼqulladi.
Normat Tursunov Uchquduq tumani hokimi lavozimiga tavsiya etilgan nomzod — Yelmuratov Uchqun Fayzullayevichni tanishtirdi.
Yigʻilishda xalq deputatlari Uchquduq tuman Kengashi deputatlari Abdukarimov Moldabek Saxiyevich, Najmiddinova Nafisa Zayniddinovna, tuman faoli, mehnat faxriysi Keruyenbanv Abdulla Moldabayevich, Uchquduq tuman prokurori Ortiqov Maqsud Shokir oʻgʻli soʻzga chiqib, tumanning yangi hokimi atrofida jipslashib, hududni obod qilish, aholi turmush farovonligini yanada oshirishga hissa qoʻshishlarini taʼkidladilar.
Viloyat hokimining Yelmuratov Uchqun Fayzullayevichni Uchquduq tumani hokimi etib tayinlash toʻgʻrisidagi qarori deputatlar tomonidan bir ovozda maʼqullandi.
