So`ngi yangiliklar
Samarqandda harakatlanayotgan Tracker-2 yonib ketdi
Ertaga qanday ob-havo boʻladi?
“Toshshahartransxizmat”ning sobiq rahbari qamoqdan ozod etildi
Davlat oliygohlari uchun kvotalar tasdiqlandi
Oʻzbekistonda oʻrtacha oylik maosh 6 mln soʻmga yaqinlashdi
Ikki viloyatda oʻqishga kiritib qoʻyish uchun pora olganlar ushlandi
Avtosugʻurta narxi kamida 4 barobar oshiriladi
Toshkentdagi avariyada 20 yoshli haydovchi halok boʻldi
“Lanatlayman, qoralayman” – Andijonning “mashhur” hokimi yana davlat ishiga qaytdi
2019-yilning avgustida Andijon shahar hokimi lavozimidan olib tashlangan Dilmurod Rahmatullayev yana davlat ishiga qaytdi.
U Andijon shahar hokimi Gʻofurjon Abdurahmonovning 17-avgustdagi qarori bilan shahar Obodonlashtirish boshqarmasi boshligʻi etib tayinlangan.
Maʼlumki, Rahmatullayev oʻzining turli harakatlari jumladan, intim suratlari tarqalishi, direktorlarni haqoratlagani bilan jamoatchilikka yaxshi tanilishga ulgurgan edi.
Shuningdek, u 2018-yilning aprelida bosh vazir ishtirokida oʻtkazilgan videoselektorda shahar koʻchalarini obodonlashtirish uchun, byudjet tashkiloti xodimlari, jumladan, maktabgacha taʼlim muassasalari xodimlarini tadbirkorlardan gul va daraxt koʻchatlarini ancha qimmat narxga sotib olishga majburlagani uchun oxirgi marta hayfsan olgan.
Rahmatullayev haqida viloyat hokimi Shuhrat Abdurahmonov shunday degan edi:
«Bu bolani juda koʻp ogohlantirganman. Qadamingni oʻylab bosgin deganman. Mana qoʻlimda uning qanday ishlagani toʻgʻrisida maʼlumotlar bor», degandi.
Rahmatullayev oʻshanda BHM 30 baravari miqdorida jarimaga tortilgan, keyinchalik esa ishdan boʻshatilgan. Rahmatullayev intim suratlari tarqalib ketgach, oʻzining harakatlarini oqlab, bu suratlarni tarqaganlarni “lanatlashi va qoralashini” taʼkidlagan edi.
