So`ngi yangiliklar
“Afsuski, ayrim “Ishonch telefonlari” nomiga tashkil qilingan yoki umuman ishlamaydi” – Akmal Burxonov
“Bosim oʻtkazilayotgani toʻgʻrisidagi xabarlar asossiz” – “Oʻzbektelekom” HUMANS ishi boʻyicha munosabat bildirdi
Oʻzbekistonning veterinariya sohasidagi tajribasi xalqaro miqyosda eʼtirof etildi
Turkiyada “Tungi muzeylar” loyihasi iyun oyida yangi mavsumini boshlaydi
Oʻzbekistonga C gepatitiga qarshi dorining joriy yildagi ilk partiyasi olib kelindi
Qibrayliklar oyoqqa turdi. Sababi nima?
5 ming yillik tarixga ega Birgi qishlogʻi haqida nimalar maʼlum?
Iznik: nasroniylikning tirik muzeyi
“Menga uy bering”, “menga pul bering”: Sirdaryo hokimining qabuliga kimlar yordam soʻrab kelmoqda?
Bugun, 13-avgust kuni Sirdaryo hokimining mavjud muammolarni aniqlash hamda ularni joyida bartaraf etish maqsadida tashkil qilingan qabulda 50 nafarga yaqin jismoniy va yuridik shaxslar ishtirok etgan.
Taʼkidlanishicha, murojaatlarning 20 ga yaqini joyida ijobiy hal etilib, 8 tasiga huquqiy tushuntirish berilgan. Qoʻshimcha oʻrganish va vaqt talab qilinadigan murojaatlar yuzasidan masʼullar biriktirilib, ijrosi nazoratga olingan.
Qabulda hali ham “menga uy bering”, “menga pul bering” (moddiy yordam) mazmunidagi murojaatlar koʻp boʻladi, mutasaddilar esa bir necha marta “biz sizga uy olib berolmaymiz, bunday tartib yoʻq, subsidiya oling, ammo bunga ham aralasha olmaymiz, buning oʻz talablari, nizomi bor”, deb eslatishlariga toʻgʻri kelmoqda.
Viloyat hokimi haqiqiy moddiy yordamga muhtoj fuqarolarga koʻmak berilishini, ammo oʻzi yoki oila aʼzolaridan birortasi mehnatga layoqatli boʻla turib, yordam soʻrayotganlarga ishlash va daromad olishlari uchun zarur barcha imkoniyatlar yaratib berilishini aytgan.
Ajablanarlisi viloyat hokimi qabuliga sud bilan bitadigan ishlar yuzasidan ham koʻplab murojaat kelmoqda. Hatto, sud qaroridan norozi boʻlib qabulga kelganlar ham boʻlgan. Ularga bu kabi masalalar bilan qayerga murojaat etish lozimligi tushuntirilgan.
Davolanish uchun order, shuningdek, yoʻl, kommunal soha, xususan, elektr, ichimlik suvi taʼminotini yaxshilashni soʻrab kelganlar ham bor. Bunday masalalar yuzasidan joyida hal etish uchun tegishli masʼullarga topshiriq berilgan.
