“Ekologik ekspertiza va atrof-muhitga taʼsirni baholash toʻgʻrisida”gi qonun qabul qilindi

Qonun loyihasi bilan ekologik ekspertiza faoliyatida qoʻllaniladigan yangi yoʻnalish belgilab olindi

Oʻzbekiston Respublikasi Oliy Majlisi Qonunchilik palatasining navbatdagi majlisi boʻlib oʻtmoqda. Jumladan majlisda “Ekologik ekspertiza va atrof-muhitga taʼsirni baholash toʻgʻrisida”gi qonun loyihasi birinchi oʻqishda muhokama qilindi.

Qonun loyihasi bilan ekologik ekspertiza faoliyatida qoʻllaniladigan yangi yoʻnalish – ekologik normativlar loyihalarini davlat ekologik ekspertizasidan, strategik rejalashtirish loyihalarini strategik ekologik baholashdan oʻtkazish masalalari aniq belgilandi.

Shu bilan birga, davlat ekologik ekspertizasini oʻtkazish tartibi, davlat ekologik ekspertiza obyektlari boʻyicha tegishli hujjatlar loyihalarini davlat ekologik ekspertizasi uchun taqdim etish, davlat va jamoat ekologik ekspertizasini oʻtkazishda tomonlarning huquq va majburiyatlari, shuningdek, jamoatchilik ekologik ekspertizasini hamda jamoatchilik eshituvini oʻtkazish tartibini belgilash boʻyicha alohida normalarni kiritish taklif etildi.

Qonun loyihasining qabul qilinishi natijasida qonunchilik hujjatlari oʻrtasidagi tafovutlar bartaraf etilib, ekologik ekspertiza xulosasini berish tartib-taomillarini samarali va toʻgʻridan toʻgʻri tartibga soluvchi normalar amaliyotga kiritiladi. Eng muhimi, xalqaro talablarni joriy etish hisobiga, xorijiy investor va tadbirkorlar uchun ishonchli va tushunarli ekologik baholash tizimi taʼminlanadi.

Majlisda qonun loyihasi deputatlar tomonidan birinchi oʻqishda qabul qilindi.

“Effect.uz”ни “Telegram”да кузатинг

“Effect.uz”ни “Facebook”да кузатинг

“Effect.uz”ни “YouTube”да кузатинг

Effect.uz'ни Инстаграмда кузатинг