So`ngi yangiliklar
Navoiyga Mongoliyadan 1000 boshga yaqin Bayat zotiga mansub qo‘ylar olib kelindi
Faollar aytayotgan “iqtidor” egasi oddiy “Virtual valyutachi” boʻlgan...
Rustam Minnixanov boshchiligidagi Tatariston delegatsiyasi Navoiy viloyatiga tashrif buyurdi
Tojikistonning Konibodomida yana to‘rt kishining jasadlari topildi. Mahalliy aholi vahimada
Tahlil qilingan davlat xaridlarida «Davlat xaridlari to‘g‘risida»gi qonunning tegishli modda talablari buzilganlik holatlari aniqlandi
Ichki audit xizmati xodimlarining faoliyati samaradorligini baholash tartibi belgilandi
Bugun havo yanada sovishi kutilmoqda
Media mahsulotlarini “ma’naviy ekspertiza”dan o‘tkazishni joriy etish to‘g‘risidagi qaror bekor qilindi
Pastdargʻomda qulagan ikki qavatli uyning narxi ochiqlandi
Samarqand viloyati Pastdargʻom tumani Juma shaharchasi hududida qoʻshnining notoʻgʻri qurilish olib borishi oqibatida 2-qavatli uy qulab tushgan.
Viloyat IIBning maʼlumotiga koʻra, joriy yilning 14-may kuni soat 19:45 larda fuqaro H.M.ning xonadoni qulab tushib, qoʻshnisiga kup miqdor (300 ming dollar) da moddiy zarar yetkazgan.
Holat yuzasidan Pastdargʻom tuman IIB huzuridagi Tergov boʻlimi tomonidan JKning 173-moddasi 2-qismi “v” bandi bilan jinoyat ishi qoʻzgʻatilib, dastlabki tergov harakatlari olib borilmoqda.
Hodisa ortidan qurilish va uy-joy kommunal xoʻjaligi vazirligi ham maʼlumot berib,
Fuqaro B.Isroilovga tegishli boʻlgan Juma shahri, “Samarqand” mahallasi, Samarqand koʻchasidagi 26-uyni rekonstruksiya qilish hamda oʻz hududidan qoʻshimcha bino va inshootlarni qurishga Pastdargʻom tumani Qurilish va uy-joy kommunal xoʻjaligi boʻlimining 2024-yil 20-yanvardagi ruxsatnomasi berilgani ochiqlandi.
Hujjatga asosan Samarqand viloyati Qurilish va uy-joy kommunal xoʻjaligi bosh boshqarmasi tomonidan 2024-yil 2-fevralda arxitektura rejalashtirish topshirigʻi ishlab chiqilgan. “MEZANA PROYEKT” MCHJ tashkiloti tomonidan ishlab chiqilgan loyiha hujjati Samarqand viloyati Qurilish va uy-joy kommunal xoʻjaligi boshqarmasi loyiha-smeta hujjatlarini kelishish boʻyicha arxitektura va shaharsozlik Kengashi ishchi organining 2024-yil 4-martdagi xulosasi bilan kelishib berilgan.
“MEZANA PROYEKT” MCHJ ishlab chiqqan loyiha hujjati “Shaharsozlik hujjatlarini ekspertiza qilish” Respublika markazi Samarqand viloyati filiali tomonidan koʻrib chiqilib, 2024-yil 26-martda ekspertiza xulosasi olingan. Samarqand viloyati Qurilish va uy-joy kommunal xoʻjaligi sohasida hududiy nazorat qilish inspeksiyasidan obyektda qurilish-montaj ishlarini boshlash uchun roʻyxatdan oʻtkazilgan.
Oʻrganish jarayonida fuqaro B.Isroilov tomonidan oʻzboshimchalik bilan “MEZANA PROYEKT” MCHJ tomonidan ishlab chiqilgan loyiha hujjatlariga amal qilmasdan, poydevor quyish uchun yer qazish ishlarini olib borganligi sababli qoʻshni xonadon poydevori ostidagi tuproqning choʻkishi natijasida turar-joyning bir qismi qulab tushgan. Mazkur holat yuzasidan soha vakillaridan iborat ekspertlarning oʻrganish natijalariga oid xulosasiga asosan yana qoʻshimcha maʼlumot taqdim qilinadi.
