So`ngi yangiliklar
Suv xoʻjaligi yoki pul xoʻjaligi: Kattalarning vaʼdalari suvga qoʻshilib oqib ketdimi?
Rayhonning “Yaxshimasmi” qo‘shig‘ida she’rdan muallif ruxsatisiz foydalanilgani aniqlandi
Fermerlarga bosim ortmoqdami?
Oʻyinchoq toʻpponcha bilan bankni oʻmarmoqchi boʻlgan erkakning shaxsiga aniqlik kiritildi
“Ferrari” oʻzining ilk elektromobilini ishlab chiqarmoqchi
Rus tili imtihonlari Rossiya byudjetiga 30 million dollar daromad keltirdi
Laziz Kudratov Osiyo taraqqiyot bankining O‘zbekistondagi doimiy missiyasi direktori Kanokpan Lao-Araya bilan uchrashdi
AQSH va Ukraina yer osti boyliklari boʻyicha kelishuvga erishdi
Shavkat Mirziyoyev AQSH kongressmeni Mayk Rojers boshchiligidagi delegatsiyalarni qabul qildi
.jpg)
Oʻzbekiston Respublikasi Prezidenti Shavkat Mirziyoyev 27-mart kuni AQSHning senator Stiven Deyns hamda Vakillar palatasi qoʻmitasi raisi, kongressmen Mayk Rojers boshchiligidagi delegatsiyalarini qabul qildi.
Oʻzbekiston-AQSH strategik sheriklik munosabatlarini yanada mustahkamlash va koʻp qirrali hamkorlikni rivojlantirish masalalari koʻrib chiqildi.
Keyingi yillarda ikki tomonlama hamkorlikda yuqori darajaga erishilgani, faol muloqotlar va oʻzaro tashriflar davom etayotgani alohida mamnuniyat bilan qayd etildi.
Oʻtgan yilning sentyabr oyida Markaziy Osiyo mamlakatlari va AQSH yetakchilarining “S5+1” formatidagi birinchi sammiti hamda samarali ishbilarmonlik uchrashuvlari muvaffaqiyatli oʻtkazildi.
Davlat rahbari parlamentlararo aloqalarni, shu jumladan AQSH Kongressida faoliyat yuritayotgan Oʻzbekiston bilan hamkorlik boʻyicha kokus ishini yuqori baholadi.
Amerikalik qonun chiqaruvchilar vakillik qilayotgan Montana, Alabama, Vashington, Kaliforniya va Texas shtatlari bilan faol amaliy hamkorlikni davom ettirishga alohida eʼtibor qaratildi.
Taʼlim, qishloq xoʻjaligi, raqamli texnologiyalar, togʻ-kon sanoati, “yashil” energetika, farmatsevtika, oziq-ovqat tarmogʻi va boshqa sohalar kooperatsiya uchun istiqbolli yoʻnalishlar sifatida qayd etildi. AQSH hududlari biznesining Oʻzbekistonga safarlarini tashkil etishga kelishib olindi.
Xalqaro va mintaqaviy ahamiyatga molik dolzarb masalalar, shu jumladan Afgʻonistondagi vaziyat yuzasidan ham fikr almashildi.
.jpg)
