So`ngi yangiliklar
Istanbul 18–21 sentyabrda Bosfor Kubogi 2025 qayiqlar poygasiga mezbonlik qiladi
Hamyurtimiz “Yuksak ehtirom” xalqaro esdalik ko‘krak nishoni bilan taqdirlandi
Farg‘ona dehqon bozoridagi narx-navo xalq uchunmi yoki…
Sentyabrdan boshlab migrantlar ilova orqali kuzatiladi
Kasb va xorijiy tillarga oʻqitish uchun vaucher berish tartibi belgilandi
Kasb va xorijiy tillarga oʻqitish uchun vaucher berish tartibi belgilandi
Fargʻonada uy bogʻchasida 43 nafar bolaga noqonuniy diniy saboq berib kelingani aniqlandi
Oʻzbekiston va Iordaniya oʻrtasida 15 ta hujjat imzolandi
Toshkent viloyatida 2 mlrd soʻmlik elektr energiyani oʻgʻirlagan maynerlar qoʻlga olindi
Davlat xavfsizlik xizmatining Toshkent viloyati boʻyicha boshqarmasi xodimlari tomonidan Iqtisodiy jinoyatlarga qarshi kurashish departamenti, Ichki ishlar vazirligi va “Oʻzenergoinspeksiya”ning hududiy boshqarmalari bilan hamkorlikda bir nechta tezkor tadbirlar oʻtkazildi. Bu haqda DXX matbuot xizmati xabar bermoqda.
Maʼlum boʻlishicha, Yangiyoʻl shahrida yashovchi, 31 yoshli I.N. 10 dona “Antminer L3++” rusumli mayning qurilmalarini oʻzboshimchalik bilan umumiy foydalanishdagi elektr tarmogʻiga ulab, mayning faoliyati bilan shugʻullanishi natijasida, davlat manfaatlariga 1 mlrd. 19 mln. 400 ming soʻm miqdorida zarar yetkazgan.
Qibray tumanida istiqomat qiluvchi, 25 yoshli y.t. R.J.ning xonadoni koʻzdan kechirilganda, u hech qanday ruxsatnomasiz mayning faoliyati bilan shugʻullanib, 685 mln. 939 ming. soʻmlik elektr energiyasini talon-toroj qilgan. Undan 2 ta toʻplamda boʻlgan mayning qurilmalari ashyoviy dalil sifatida rasmiylashtirib olingan.
Qibray tumanida kuzatilgan yana bir holatda, 42 yoshli M.S. oʻzining yashash manzilida kriptovalyuta ishlab chiqarish faoliyati bilan qonunga xilof ravishda shugʻullangan.
M.S 3 ta toʻplamda boʻlgan mayning qurilmalaridan foydalanishi natijasida, elektr energiyasi boʻyicha davlat manfaatlariga 579 mln. 474 ming soʻm miqdorida zarar yetkazgan.
Hozirda mazkur shaxslarga nisbatan Jinoyat Kodeksining 169-moddasi 4-qismi “a” bandi bilan jinoyat ishlari qoʻzgʻatilib, tergov harakatlari olib borilmoqda.
