So`ngi yangiliklar
Suv xoʻjaligi yoki pul xoʻjaligi: Kattalarning vaʼdalari suvga qoʻshilib oqib ketdimi?
Rayhonning “Yaxshimasmi” qo‘shig‘ida she’rdan muallif ruxsatisiz foydalanilgani aniqlandi
Fermerlarga bosim ortmoqdami?
Oʻyinchoq toʻpponcha bilan bankni oʻmarmoqchi boʻlgan erkakning shaxsiga aniqlik kiritildi
“Ferrari” oʻzining ilk elektromobilini ishlab chiqarmoqchi
Rus tili imtihonlari Rossiya byudjetiga 30 million dollar daromad keltirdi
Laziz Kudratov Osiyo taraqqiyot bankining O‘zbekistondagi doimiy missiyasi direktori Kanokpan Lao-Araya bilan uchrashdi
AQSH va Ukraina yer osti boyliklari boʻyicha kelishuvga erishdi
Erdogʻan Isroilni Gʻazo sektoridagi hujumlarni imkon qadar tezroq toʻxtatishga chaqirdi
.jpg)
Turkiya prezidenti Rejep Toyyip Erdogʻan Isroilni blokadadagi Gʻazo sektoridagi hujumlarni imkon qadar tezroq toʻxtatishga yana bir bor chaqirdi.
Turkiya rahbari Adolat va taraqqiyot partiyasidan (AKP) Izmir viloyati munitsipaliteti rahbari lavozimiga nomzodlar koʻrsatilishi munosabati bilan oʻtkazilgan yigʻilishda yana bir bor bayonot bilan chiqdi.
«Biz yana bir bor Isroilni xalqaro hamjamiyat va tashkilotlarning ovoziga quloq solishga, hujum va qirgʻinlarni tezroq toʻxtatishga chaqiramiz» - dedi Erdogʻan.
Xalqaro sudda Isroilga qarshi sud jarayoni
2023-yil 29-dekabrda Janubiy Afrika Genotsid jinoyatining oldini olish va jazolash toʻgʻrisidagi konvensiyani buzganligi uchun Isroilga qarshi Xalqaro sudga daʼvo arizasi bilan murojaat qildi. Har ikki tomonning sudyalari tinglangan sud majlisi 11-12-yanvar kunlari Gaagada boʻlib oʻtdi.
Xalqaro sud (ICJ) 26-yanvar, juma kuni Isroilni Genotsid konvensiyasiga kiruvchi xatti-harakatlarning oldini olish uchun barcha zarur choralarni koʻrishi, Gʻazo sektoridagi harbiy amaliyotlarni zudlik bilan toʻxtatishi va qotillik bilan bogʻliq har qanday xatti-harakatlardan tiyilishi kerakligi haqida qaror chiqardi.
Xalqaro sud raisi Joan Donoghuning qayd etishicha, Isroilning 7-oktyabrdan buyon havo, quruqlik va dengiz orqali amalga oshirgan harbiy amaliyotlari juda katta qurbonlar, fuqarolik infratuzilmasi vayron boʻlishi va Gʻazo aholisining katta qismi koʻchirilishiga olib keldi. Sud Isroilga qarshi genotsid ayblovlari oqilona darajada isbotlangan deb qaror qildi.
Sud qaroriga koʻra, falastinliklar Genotsid konvensiyasining ikkinchi moddasida koʻrsatilgan etnik va diniy guruh taʼrifi doirasida koʻrib chiqilishi mumkin.
Sudning taʼkidlashicha, Isroil hujumlariga uchragan Gʻazo aholisi Genotsid konvensiyasining 2-moddasida koʻrsatilgan himoyalangan guruh taʼrifiga mos keladi.
Sud qaroriga koʻra, Gʻazodagi halokatli gumanitar vaziyat doimiy tahdid boʻlib, uning oldini olish uchun sud choralarini koʻrish kerak. Qaror koʻpchilik ovoz bilan – 15 nafarga qarshi ikki ovoz bilan qabul qilindi.
Bundan tashqari, Xalqaro sud 16ga qarshi 1 ovoz bilan Isroildan Gʻazo sektoridagi noqulay yashash sharoitlarini bartaraf etish uchun shoshilinch va samarali choralar koʻrishni talab qilishga qaror qildi. Sud Isroilga bir oy ichida koʻrilgan choralar haqida hisobot taqdim etishni buyurdi.
.jpg)
