So`ngi yangiliklar
O‘zbekistonda biznes muhiti ijobiy tendensiyalarni namoyon qilmoqda
Yoshlar uchun yagona elektron platforma yaratiladi
Rishtonda yosh o‘quvchi kollejda zo‘ravonlar tomonidan kaltaklandi
Istanbul 18–21 sentyabrda Bosfor Kubogi 2025 qayiqlar poygasiga mezbonlik qiladi
Hamyurtimiz “Yuksak ehtirom” xalqaro esdalik ko‘krak nishoni bilan taqdirlandi
Farg‘ona dehqon bozoridagi narx-navo xalq uchunmi yoki…
Sentyabrdan boshlab migrantlar ilova orqali kuzatiladi
Kasb va xorijiy tillarga oʻqitish uchun vaucher berish tartibi belgilandi
Mirziyoyev Butunxitoy qoʻmitasi Raisi Chjao Leszi bilan uchrashdi
24-yanvar kuni Prezident Shavkat Mirziyoyev Xitoyga davlat tashrifi doirasida Xalq siyosiy maslahat kengashi Butunxitoy qoʻmitasi Raisi Chjao Leszi bilan uchrashuv oʻtkazdi.
Suhbatda Oʻzbekiston-Xitoy munosabatlarida yuksak darajaga erishilgani mamnuniyat bilan qayd etilib, bu galgi tashrif har tomonlama strategik sheriklikni kengaytirishga yangi kuchli surʼat bagʻishlashiga ishonch bildirildi.
Uchrashuvda Oʻzbekiston texnik yoʻnalishlar boʻyicha mutaxassislar tayyorlash markazlarini tashkil etish, Xitoyning ijtimoiy himoya va sugʻurta, aholiga manzilli yordam koʻrsatish borasidagi tajribasini oʻrganishdan manfaatdor ekani taʼkidlandi. Parlamentlar oʻrtasidagi muloqotni kengaytirish va “Oʻzbekiston-Xitoy” doʻstlik guruhlarini faollashtirish zarurligi qayd etildi.
Oliy darajadagi kelishuvlarning amalga oshirilishi ustidan taʼsirchan parlament nazoratini taʼminlashga alohida eʼtibor qaratildi. Madaniy-gumanitar aloqalarni mustahkamlash masalalari yuzasidan fikr almashildi.
Oʻtgan yili Oʻzbekistonda Xitoy madaniyati kunlari oʻtkazilgani, ayni paytda Pekinda Oʻzbekiston madaniyati kunlari doirasida oʻtayotgan tadbirlar mamnuniyat bilan qayd etildi.
