So`ngi yangiliklar
Navoiyga Mongoliyadan 1000 boshga yaqin Bayat zotiga mansub qo‘ylar olib kelindi
Faollar aytayotgan “iqtidor” egasi oddiy “Virtual valyutachi” boʻlgan...
Rustam Minnixanov boshchiligidagi Tatariston delegatsiyasi Navoiy viloyatiga tashrif buyurdi
Tojikistonning Konibodomida yana to‘rt kishining jasadlari topildi. Mahalliy aholi vahimada
Tahlil qilingan davlat xaridlarida «Davlat xaridlari to‘g‘risida»gi qonunning tegishli modda talablari buzilganlik holatlari aniqlandi
Ichki audit xizmati xodimlarining faoliyati samaradorligini baholash tartibi belgilandi
Bugun havo yanada sovishi kutilmoqda
Media mahsulotlarini “ma’naviy ekspertiza”dan o‘tkazishni joriy etish to‘g‘risidagi qaror bekor qilindi
“Humo Air” Toshkent-Fargʻona-Toshkent reyslarini yoʻlga qoʻydi
Hamyonbop va xavfsiz aviqatnovlarni yoʻlga qoʻygan “Humo Air” kompaniyasining navbatdagi manzili Toshkent-Fargʻona-Toshkent yoʻnalishiga qaratildi.
.jpg)
Ilk reyslar joriy yilning 9-yanvaridan boshlandi. Samolyot Toshkent xalqaro aeroportidan Fargʻonaga seshanba va payshanba kunlari 14:20 da, Fargʻonadan Toshkentga esa xuddi shu kunlari 15:45 da uchdi.
Ushbu yoʻnalish boʻyicha shanba kunlari ham aviaqatnovlar yoʻlga qoʻyilgan boʻlib, Toshkent-Fargʻona yoʻnalishida 10:15 da, Fargʻona-Toshkent yoʻnalishida xuddi shu kuni 11:40 da parvoz qiladi.
“Humo Air” aviakompaniyasi tomonidan poytaxtdan amalga oshirilayotgan muntazam reyslar qator afzalliklarga ega. Bu reyslar transport tizimida imkoniyatlarni kengaytiradi, aholimizga qulay va samarali sayohat qilish imkonini beradi.
Bundan tashqari, biznes, turizm va sarmoya kiritish uchun yangi imkoniyatlar ochadi, mehmonlarni, shuningdek, yuqori salohiyatga va imkoniyatga ega boʻlgan hamkorlarni ham oʻziga jalb qiladi.
Reyslarning joriy etilishi nafaqat hududning iqtisodiy oʻsishiga hissa qoʻshadi, balki madaniy almashinuvlar va hamkorlikka ham xizmat qiladi.
«Humo Air» aviakompaniyasini poytaxtdan viloyatimizga yoʻnalish ochilgani bilan tabriklaymiz. Bu yoʻnalish Fargʻona shahrining ijtimoiy, turizm va ishbilarmonlik sohalari rivoji va farovonligiga ijobiy taʼsir koʻrsatadi, degan umiddamiz», — dedi Fargʻona viloyati hokimi.
Mazkur yoʻnalishdagi parvozlar 180 yoʻlovchiga moʻljallangan. Chiptalarni flyhumo.com sayti orqali bron qilish mumkin.
Shuningdek, 10-yanvar kuni “Humo Air”ning Toshkent-Buxoro-Toshkent yoʻnalishi boʻyicha ham ilk parvozi boshlanadi. Ushbu reysning uchish vaqti Toshkentdan Buxoroga 10:15 da, Buxorodan Toshkenga esa 12:00 da, haftaning chorshanba va shanba kunlari etib belgilangan.
Viloyat hokimligi mamlakatning sayyohlar uchun asosiy yoʻnalishlardan biri boʻlgan Buxoro shahriga Toshkentdan toʻgʻridan-toʻgʻri reyslar qatnovi yoʻlga qoʻyilishi boʻyicha ijobiy munosabat bildirdi.
Hokimlik vakilining soʻzlariga koʻra, endilikda nafaqat xorijlik, balki mahalliy sayyohlar ham hamyonbop narxlarda parvoz qilib, Oʻzbekistonning betakror madaniyatiga shoʻngʻish imkoniyatiga ega.
«Soʻnggi yillarda turli sohalarda amalga oshirilayotgan keng koʻlamli islohotlar xalqimiz turmush tarzini yaxshilash, turizm va hududlararo parvoz madaniyatini rivojlantirish uchun har tomonlama shart-sharoit yaratishga xizmat qilayotganini alohida taʼkidlab oʻtishim kerak», – deydi Buxoro viloyati hokimi oʻrinbosari.
Qayd etish joizki, “Humo Air” loukoster aviakompaniyasi 2023-yilning 15-dekabridan Oʻzbekistonning toʻrtta shahri – Nukus, Samarqand, Urganch hamda Qarshiga parvozlarni boshlagan.
Joriy yil 7-yanvaridan esa aviakompaniya Termiz, Qarshi, shuningdek, Samarqand-Urganch-Samarqand yoʻnalishida qatnovlarni amalga oshirdi.
“Humo Air” bilan endi odamlar Fargʻona va Buxoroga uchadi. Maʼlumot oʻrnida shuni taʼkidlash joizki, loukoster deganda kam budjetli aviakompaniya tushuniladi.
U kompaniya faoliyati bilan bogʻliq barcha omillarni optimallashtirish orqali chiptalarni arzon narxlarda sota olish imkoniyatiga ega boʻlgan aviatashuvchidir.
