So`ngi yangiliklar
Tarix va tabiat uygʻunlashgan shahar: Egey mintaqasining sirli xazinasi Didim haqida
Qoraqalpogʻistonda bir oilaning 3 nafar aʼzosi koʻlda choʻkib ketdi
Buxorocha "davleniya": Sudning mustaqilligi qayerda qoldi?
Ҳафта бошида баъзи жойларда чанг-тўзонлар кузатилади
Namanganda yuk mashinasi savdo doʻkoniga borib urildi
“Salimboyvachcha” Toshkentda koʻrinish berdi
Oʻzbekistonda tugʻilish kamayib, oʻlim holati koʻpaymoqda
Turkiyada oʻrmon yongʻinlari avj olmoqda
Buxoro tumani sobiq hokimi hibsga olindi
Buxoro tumani sobiq hokimi Xayrullo Joʻrayev bir nechta moddalar boʻyicha gumonlanib, hibsga olindi. Bu haqda “Bugun.uz” internet-nashri oʻzining manbasiga tayanib xabar bermoqda.
Maʼlum qilinishicha, Buxoro tumani hokimi Jinoyat kodeksining 205 (hokimiyat yoki mansab vakolatini suiisteʼmol qilish), 207 (mansabga sovuqqonlik bilan qarash) va 229-4-moddalarida (oʻzboshimchalik bilan yer berish tartibini buzish) nazarda tutilgan jinoyatlarni sodir etganlikda gumonlanmoqda.
Qayd etish kerak, Xayrullo Joʻrayev Buxoro tumani hokimi lavozimiga 2020-yilning 3-dekabr kuni tayinlangan va 3-yil davomida hokimlik lavozimini bajargan. Bungacha u “Gʻijduvon” EIZ rahbari vazifasida ishlab kelgan.
Eslatib oʻtamiz, avvalroq sobiq qishloq xoʻjaligi vaziri Aziz Voitov hibsga olingani haqida xabar berilgandi. Voitov hibsga olinishi boʻyicha Oliy sud munosabat bildirib, sobiq vazir Jinoyat kodeksining 167-moddasi (oʻzlashtirish yoki rastrata yoʻli bilan talon-toroj qilish) va 205-moddasi (hokimiyat yoki mansab vakolatini suiisteʼmol qilish) 2-qismi “a” bandida nazarda tutilgan jinoyatlarni sodir etganlikda gumonlanayotganini maʼlum qilgandi.
