So`ngi yangiliklar
Botir Zokirov stipendiyasi taʼsis etiladi
Ijtimoiy tarmoqlarda tarqalgan “margimush qabristoni” toʻgʻrisidagi xabarlar rostmi?
Tarix va tabiat uygʻunlashgan shahar: Egey mintaqasining sirli xazinasi Didim haqida
Qoraqalpogʻistonda bir oilaning 3 nafar aʼzosi koʻlda choʻkib ketdi
Buxorocha "davleniya": Sudning mustaqilligi qayerda qoldi?
Ҳафта бошида баъзи жойларда чанг-тўзонлар кузатилади
Namanganda yuk mashinasi savdo doʻkoniga borib urildi
“Salimboyvachcha” Toshkentda koʻrinish berdi
Xitoyda zilzila qurbonlari soni 118 nafarga yetdi
Xitoyning shimoli-gʻarbiy qismida sodir boʻlgan zilzila qurbonlari soni 118 kishiga yetdi, deb xabar berdi Xitoy markaziy televideniyesi.
Telekanal maʼlumotlariga koʻra, Gansu provinsiyasida 105 kishi, Sinxay provinsiyasida 13 kishi halok boʻlgan. Xuddi shu provinsiyada 20 kishi bilan aloqa uzilgan, yana 182 kishi jarohatlangan.
Bundan tashqari, tabiiy ofat hududida suv taʼminoti, elektr energiyasi, transport, aloqa va boshqa infratuzilma obyektlarining bir qismi zarar koʻrgan.
Xitoy Xalq Respublikasi Moliya vazirligi va Favqulodda vaziyatlar vazirligi Gansu va Sinxay provinsiyalariga tabiiy ofat oqibatlarini bartaraf etish uchun 200 million yuan (taxminan 28 million dollar) ajratdi.
Seshanba kuni Xitoy Favqulodda vaziyatlar vazirligi ikkinchi darajali zilzila oqibatlarini bartaraf etish rejimini joriy qildi. Boshqarma maʼlumotlariga koʻra, tabiiy ofat hududiga 1440 nafar oʻt oʻchiruvchi va qutqaruvchi safarbar etilgan.
Eslatib oʻtamiz, dushanba kuni soat 23:59 da (Toshkent vaqti bilan 20:59) Xitoy shimoli-gʻarbidagi Gansu provinsiyasi Linsya Xuey avtonom prefekturasi, Jishishan-Baoan-Dunsyan-Salar avtonom okrugida 6,2 magnitudali zilzila sodir boʻldi.
