So`ngi yangiliklar
Navoiyga Mongoliyadan 1000 boshga yaqin Bayat zotiga mansub qo‘ylar olib kelindi
Faollar aytayotgan “iqtidor” egasi oddiy “Virtual valyutachi” boʻlgan...
Rustam Minnixanov boshchiligidagi Tatariston delegatsiyasi Navoiy viloyatiga tashrif buyurdi
Tojikistonning Konibodomida yana to‘rt kishining jasadlari topildi. Mahalliy aholi vahimada
Tahlil qilingan davlat xaridlarida «Davlat xaridlari to‘g‘risida»gi qonunning tegishli modda talablari buzilganlik holatlari aniqlandi
Ichki audit xizmati xodimlarining faoliyati samaradorligini baholash tartibi belgilandi
Bugun havo yanada sovishi kutilmoqda
Media mahsulotlarini “ma’naviy ekspertiza”dan o‘tkazishni joriy etish to‘g‘risidagi qaror bekor qilindi
Qirgʻizistonda oʻzini “yangi Xudo” va “xaloskor” deb eʼlon qilgan erkak qoʻlga olindi
Diniy adovat qoʻzgʻash ishi boʻyicha olib borilgan tergov harakatlari doirasida oʻzini “yangi Xudo” deb eʼlon qilgan Qirgʻiziston fuqarosi Abdildayev Arstanbek Beishenaliyevich (Arstan Alay nomi bilan mashhur) qoʻlga olindi. Bu haqda Qirgʻiziston Milliy xavfsizlik davlat qoʻmitasi xabar berdi.
Qayd etilishicha, diniy vaziyatni yaxshilash boʻyicha tezkor chora-tadbirlar koʻrish maqsadida, shuningdek, Qirgʻiziston Respublikasi Jinoyat kodeksining 330-moddasi “Diniy adovatni (nifoqni) qoʻzgʻatish” bilan qoʻzgʻatilgan jinoyat ishi doirasida Norin viloyati, 1968-yilda tugʻilgan Abdildayev Arstanbek Beyshenalievich qoʻlga olingan.
Jinoyat ishini qoʻzgʻatishga Abdildayevning ijtimoiy tarmoqlaridagi sahifalari, shuningdek, uning kitoblari va risolalarida diniy va dinlararo adovatni qoʻzgʻatishga, fuqarolarning oʻziga xosligini diniylik asosida targʻib qilishga qaratilgan chaqiriqlar borligi haqida olingan maʼlumotlar asos boʻlgan.
“U oʻzini “yangi Xudo”, “Xaloskor” deb hisoblab, boshqa dinlar, eʼtiqod va qarashlarni past, zaif va notoʻgʻri xayolparastlik deb biladi va ularga salbiy baho beradi”, — deyiladi Milliy xavfsizlik davlat qoʻmitasi xabarida.
Chuy viloyatida yashash joyidagi tintuvlar va maʼruzalar (mantralar deb ataladigan) oʻtkazish natijasida katta miqdordagi adabiyotlar (xususan, kitoblar, risolalar va daftarlar), kompyuterlar va elektron saqlash vositalari musodara qilingan.
Oʻtkazilgan tergov-tezkor tadbirlari natijalariga koʻra, Arstanbek Abdildayev Qirgʻiziston Respublikasi Milliy xavfsizlik davlat qoʻmitasining tergov izolyatoriga joylashtirildi.
