So`ngi yangiliklar
Navoiyga Mongoliyadan 1000 boshga yaqin Bayat zotiga mansub qo‘ylar olib kelindi
Faollar aytayotgan “iqtidor” egasi oddiy “Virtual valyutachi” boʻlgan...
Rustam Minnixanov boshchiligidagi Tatariston delegatsiyasi Navoiy viloyatiga tashrif buyurdi
Tojikistonning Konibodomida yana to‘rt kishining jasadlari topildi. Mahalliy aholi vahimada
Tahlil qilingan davlat xaridlarida «Davlat xaridlari to‘g‘risida»gi qonunning tegishli modda talablari buzilganlik holatlari aniqlandi
Ichki audit xizmati xodimlarining faoliyati samaradorligini baholash tartibi belgilandi
Bugun havo yanada sovishi kutilmoqda
Media mahsulotlarini “ma’naviy ekspertiza”dan o‘tkazishni joriy etish to‘g‘risidagi qaror bekor qilindi
Oʻzbekistondagi barcha metan “zapravkalar”ga cheklov oʻrnatildi
.jpg)
Ijtimoiy tarmoqlar va internet saytlarida respublikadagi metan zapravkalarida ish vaqti soat tonggi 6:00 dan soat 15:00 ga qadar cheklanganligi toʻgʻrisida xabarlar tarqalmoqda. Tarmoqda tarqalgan xabarlar yuzasidan Energetika vazirligi hamda “Hududgaztaʼminot” AJ rasmiy munosabat berdi.
“Oʻzbekistonda havo haroratining sovib borishi tufayli aholi orasida tabiiy gazga talab birmuncha oshgan. Bu esa, oʻz navbatida, aholi isteʼmolining koʻpayishiga, pirovardida, gaz bosimining sezilarli pasayishiga olib keldi.
Qolaversa, 7 – 16-dekabr kunlari oraligʻida kutilayotgan (8-dekabrda 0 daraja, 12-dekabrda -16 daraja) sovuq ob-havo sharoitida ham gaz bosimining pasayishi kutilyapti.
Shundan kelib chiqib, aholini tabiiy gaz bilan uzluksiz taʼminlash maqsadida metan zapravkalari ishlash vaqtini cheklash choralari koʻrilmoqda. Rejaga muvofiq, metan zapravkalari soat 6:00 dan soat 15:00 ga qadar ishlaydi.
Mazkur vaqtinchalik cheklov aholi isteʼmolchilari hamda ijtimoiy obyektlarni tabiiy gaz bilan bir maromda taʼminlash maqsadida ayni paytgacha respublikamizning barcha hududida kiritildi.
Isteʼmolchilardan yetkazilgan noqulayliklar uchun uzr soʻragan holda, vaziyat barqarorlashgunga qadar tejamkorlikka rioya qilishlarini soʻraymiz. AGTKSHlar faoliyatida oʻzgarishlar kuzatilsa, qoʻshimcha maʼlumotlar beriladi”, — deyiladi munosabatda.
