title

So`ngi yangiliklar

10:22 / 2025-12-11 77

Umra xizmatlari bo‘yicha noqonuniy reklama tarqatgan turoperatorlar jazolandi

10:02 / 2025-12-11 66

Notariuslikka talabgorlar uchun o‘quv kurslarini tashkil etish tartibi tasdiqlandi

18:17 / 2025-12-10 100

Navoiyda qishloq xo‘jaligi xodimlari taqdirlandi

22:27 / 2025-12-09 186

Ayrim hududlarda davlat organlarida kadrlar rotatsiyasi tizimi joriy etiladi

15:44 / 2025-12-09 187

Andijon viloyati hokimiga yangi o‘rinbosarlar tayinlandi

13:44 / 2025-12-09 194

Humans ilovasida yuz bergan ruxsatsiz pul yechish holatlari bo‘yicha Markaziy bank rasmiy bayonot berdi

13:14 / 2025-12-09 146

Fuqarolar va tadbirkorlar uchun ijtimoiy nafaqa va sug‘urta tizimi yangi bosqichga ko‘tarildi

12:52 / 2025-12-09 148

“Tamakini emas, hayotni tanlang!” – "Toshkent-AERO" ixtisoslashtirilgan bojxona kompleksi

14:45 / 2023-12-04 484 0 Siyosat

“Salimboyvachcha” hibsga olingani tasdiqlandi, Gʻofur Rahimovga esa qidiruv eʼlon qilinmagan — Manba

“Salimboyvachcha” laqabi bilan tanilgan 73 yoshli tadbirkor Salim Abduvaliyevga nisbatan tergovga qadar tekshiruv harakatlari boshlandi, Gʻofur Rahimov esa qidiruvda emas. Bu haqda Kun.uz internet-nashri oʻzining ishonchli manbasiga tayanib xabar bermoqda.

Qayd etish kerak, Salim Abduvaliyev huquq-tartibot idoralarining maxsus boʻlinmalari tomonidan Toshkent shahrida joylashgan “oq uyi”dan olib ketilgan.

Salim Abduvaliyev — Oʻzbekistondagi kuchli tadbirkorlardan biri hisoblanadi. U 1950-yilning mayida Fargʻona viloyatining Toshloq qishlogʻida dunyoga kelgan. U erkin kurash boʻyicha 5 karra Oʻzbekiston chempioni boʻlgan. U sportdan ketgach, avvaliga zavodda ishlagan, keyin haydovchilik qilgan.

Salim Qirgʻizboyevich 1997-yildan buyon Oʻzbekiston sport kurashlari assotsiatsiyasi prezidenti hisoblanadi. U shu vaqtga qadar Oʻzbekistonda erkin kurash boʻyicha sport musobaqalariga homiylik qilib kelgan. Ayni vaqtda Toshkentdagi Yashnobod tumanida istiqomat qiladi. 4 qiz hamda 2 oʻgʻil otasi.

IIO Asli oʻzbekistonlik tadbirkor, hozirda Oʻzbekiston professional boks federatsiyasi raisi birinchi oʻrinbosari Gʻofur Rahimovga nisbatan qidiruv eʼlon qilingani toʻgʻrisidagi xabarlarni rad etdi.

Gʻofur Rahimov — 2018-yil noyabridan 2019-yil iyuliga qadar Xalqaro boks assotsiatsiyasi (AIBA)da rahbari lavozimida ishlagan. Shuningdek, 2010-yilda esa Osiyo boks konfederatsiyasi prezidenti etib saylangan. 2001-yildan 2012-yilgacha Oʻzbekiston Milliy olimpiya qoʻmitasining vitse-prezidenti boʻlgan.