“Salimboyvachcha” uyidan hibsga olib ketilgan — Manba

Oʻzbekiston Milliy Olimpiya qoʻmitasi raisining oʻrinbosari, Oʻzbekiston sport kurashlari assotsiatsiyasi raisi Salim Abduvaliyev xalq orasida “Salimboyvachcha” laqabi bilan tanilgan. Bu haqda “UzNews.uz” internet-nashri oʻzining manbasiga tayanib xabar bermoqda.

Xabarda aytilishicha, Salim Abduvaliyev huquq-tartibot idoralarining maxsus boʻlinmalari tomonidan Toshkent shahrida joylashgan “oq uyi”dan olib ketilgan.

Hozircha rasmiy tashkilotlar mazkur xabarni tasdiqlagani yoʻq. Biroq, Toshkent shahar IIB “Salimboyvachcha”ga yaqin boʻlgan “Baxti Tashkentskiy” (Baxtiyor Qudratullayev) va ““Sayidaziz medgorodok” (Saidaziz Saidaliyev — tahr) hibsga olinganini tasdiqladi.

Salim Abduvaliyev — Oʻzbekistondagi kuchli tadbirkorlardan biri hisoblanadi. U 1950-yilning mayida Fargʻona viloyatining Toshloq qishlogʻida dunyoga kelgan. U erkin kurash boʻyicha 5 karra Oʻzbekiston chempioni boʻlgan. U sportdan ketgach, avvaliga zavodda ishlagan, keyin haydovchilik qilgan.

Salim Qirgʻizboyevich 1997-yildan buyon Oʻzbekiston sport kurashlari assotsiatsiyasi prezidenti hisoblanadi. U shu vaqtga qadar Oʻzbekistonda erkin kurash boʻyicha sport musobaqalariga homiylik qilib kelgan. Ayni vaqtda Toshkentdagi Yashnobod tumanida istiqomat qiladi. 4 qiz hamda 2 oʻgʻil otasi.

“Effect.uz”ни “Telegram”да кузатинг

“Effect.uz”ни “Facebook”да кузатинг

“Effect.uz”ни “YouTube”да кузатинг

Effect.uz'ни Инстаграмда кузатинг