So`ngi yangiliklar
Suv xoʻjaligi yoki pul xoʻjaligi: Kattalarning vaʼdalari suvga qoʻshilib oqib ketdimi?
Rayhonning “Yaxshimasmi” qo‘shig‘ida she’rdan muallif ruxsatisiz foydalanilgani aniqlandi
Fermerlarga bosim ortmoqdami?
Oʻyinchoq toʻpponcha bilan bankni oʻmarmoqchi boʻlgan erkakning shaxsiga aniqlik kiritildi
“Ferrari” oʻzining ilk elektromobilini ishlab chiqarmoqchi
Rus tili imtihonlari Rossiya byudjetiga 30 million dollar daromad keltirdi
Laziz Kudratov Osiyo taraqqiyot bankining O‘zbekistondagi doimiy missiyasi direktori Kanokpan Lao-Araya bilan uchrashdi
AQSH va Ukraina yer osti boyliklari boʻyicha kelishuvga erishdi
Andijondagi tergov hibsxonasida ayol bir oylik chaqalogʻi bilan tahqirlangani maʼlum boʻldi
Inson huquqlari boʻyicha ombudsman Andijondagi 3-son tergov hibsxonasida kaltaklangan ayol haqidagi xabarlarni oʻrgandi.
Ijtimoiy tarmoqlarda Andijon viloyatidagi 3-Tergov hibsxonasida xodimlar mahbus O.Gʻulomovani 1 oylik chaqalogʻi bilan urib, tepib, turli xil uyatli soʻzlar bilan haqorat qilayotganlari haqida xabar eʼlon qilingan.
Mazkur holat boʻyicha Oliy Majlisning Inson huquqlari boʻyicha vakili (ombudsman)ning Andijon viloyatidagi mintaqaviy vakili jamoatchilik vakillari bilan birgalikda 3-son Tergov hibsxonasida oʻrganishlar olib borilgan.
Mahbus O.Gʻulomova bilan suhbat davomida u ijtimoiy tarmoqda tarqatilgan xabarni tasdiqlab, Oliy Majlisning Inson huquqlari boʻyicha vakili (ombudsman) nomiga shikoyat yozdi. Faqatgina, O.Gʻulomova farzandi olib qoʻyilganligini va oʻzi tinchlantirish xonasiga joylashtirilganligini tasdiqlamadi. Farzandi doim oʻzi bilan birga boʻlgan va tinchlantirish xonasiga joylashtirilmagan.
Shuningdek, holatga aniqlik kiritish maqsadida O.Gʻulomova bilan bir kamerada saqlanayotgan 3 nafar shaxs bilan ham suhbat oʻtkazilib, ulardan ham holat yuzasidan tushuntirishlar olingan.
Shu kuni holat yuzasidan sud tibbiy ekspertizasi oʻtkazilib, ekspertiza natijasiga koʻra, O.Gʻulomovaning badanida tan jarohatlari aniqlanmagan. Toʻplangan hujjatlar Jinoyat-protsessual kodeksida belgilangan tartibda koʻrib chiqishlik uchun viloyat prokuraturasiga yuborildi.
Monitoring oʻtkazilgan kunda ona va bolaning sogʻligʻi yaxshi ekani aniqlandi. Shuningdek, oʻrganish davomida hibsxonadagi kameralarning kuz-qish mavsumiga tayyorgarligi tekshirilgan. O.Gʻulomova saqlanayotgan va boshqa kameralardagi harorat belgilangan meʼyorlarga muvofiqligi aniqlandi.
