So`ngi yangiliklar
Nizomiy nomidagi Toshkent davlat pedagogika universiteti endilikda O‘zbekiston milliy pedagogika universiteti deb nomlanadi
Quyosh, dengiz, tarix va hashamat. Antaliya dunyoga nimasi bilan mashhur?
Prezident taʼlim sifatini oshirish boʻyicha takliflar taqdimoti bilan tanishdi
Namangan shahar hokimi noqonuniy oʻrnatilgan radarlarni olib tashlashni soʻradi
“Kattalar”ning bosimida qolgan sud qarori
Futbol boʻyicha oʻn yetti yoshgacha boʻlgan oʻsmirlar oʻrtasidagi Osiyo kubogi oʻyinlari gʻoliblari va ishtirokchilarini mukofotlash toʻgʻrisida qaror chiqarildi
Suv xoʻjaligi yoki pul xoʻjaligi: Kattalarning vaʼdalari suvga qoʻshilib oqib ketdimi?
Rayhonning “Yaxshimasmi” qo‘shig‘ida she’rdan muallif ruxsatisiz foydalanilgani aniqlandi
Hind va Xitoy qoʻshinlari oʻrtasida bahsli chegara hududida toʻqnashuv sodir boʻldi
Toʻqnashuvda xitoylik askarlarning “dubinka” bilan qurollanganligi sababli yigirmaga yaqin hind askari yaralangan.
Hindiston mudofaa vaziri Rajnat Singx mamlakatning shimoli-sharqidagi Arunachal-Pradesh chegarasida hind va xitoy qoʻshinlari oʻrtasida toʻqnashuv sodir boʻlganini tasdiqladi.
“9-dekabr kuni yuzlab xitoylik askarlarning Hindiston chegarasini kesib oʻtganidan soʻng, har ikki tomonning qoʻshinlari oʻrtasida otishmas sodir boʻldi” — dedi Singx.
Hindiston bu masalani Pekin bilan diplomatik yoʻl bilan koʻtargan va har ikki tomonning harbiy qoʻmondonlari buni muhokama qilgan. Singx Hindistonning Arunachal-Pradesh shtatidagi Yanszi hududidagi toʻqnashuv haqida boshqa tafsilotlarni keltirmadi.
Bloombergʻga mavzuning nozikligi sababli shaxsini oshkor qilmaslikni soʻragan hind rasmiylari, toʻqnashuvda xitoylik askarlarning “dubinka” bilan qurollanganligi sababli yigirmaga yaqin hind askari yaralanganini aytdi.
Nizoning kelib chiqishi
Hindiston mustaqillikka erishgan (1947-yil) va XXR tashkil topgan (1949) dan buyon umumiy maydoni, taxminan, 130 ming km/kvadrat boʻlgan chegara hududining ikki joyiga egalik qilish muammosi oʻzaro munosabat davriy keskinlashuvining asosiy sabablaridan biri boʻlib qolmoqda.
Ushbu kelishmovchilik ildizi XIX asr oʻrtalariga borib taqaladi. Oʻshanda ilk bor Xitoy imperatori va Britaniya Hindistoni oʻrtasida Tibet, Kashmir, Nepal, Sikkim, Butan va hozir Hindiston mulki boʻlgan Arunachal Pradesh shtati boʻyicha nizoli masala koʻtarilgan.
Shundan buyon har ikki tomondan koʻp yillik mojaroni hal etish istagi koʻp marta oshkora namoyon etilishiga qaramay, hududiy muammo munosabatlarni rivojlantirish yoʻlidagi jiddiy toʻsiq boʻlib qolmoqda.
Bu, ayniqsa, bahsli chegara hududlari turli separatistik (asosan, etnik hamda diniy) va ijtimoiy oqimlar harakat qilayotgan, har ikki davlat barqarorligiga tahdid soladigan qismlariga tutashligi bilan bogʻliq.
.jpg)
