title

So`ngi yangiliklar

10:22 / 2025-12-11 77

Umra xizmatlari bo‘yicha noqonuniy reklama tarqatgan turoperatorlar jazolandi

10:02 / 2025-12-11 68

Notariuslikka talabgorlar uchun o‘quv kurslarini tashkil etish tartibi tasdiqlandi

18:17 / 2025-12-10 101

Navoiyda qishloq xo‘jaligi xodimlari taqdirlandi

22:27 / 2025-12-09 186

Ayrim hududlarda davlat organlarida kadrlar rotatsiyasi tizimi joriy etiladi

15:44 / 2025-12-09 187

Andijon viloyati hokimiga yangi o‘rinbosarlar tayinlandi

13:44 / 2025-12-09 194

Humans ilovasida yuz bergan ruxsatsiz pul yechish holatlari bo‘yicha Markaziy bank rasmiy bayonot berdi

13:14 / 2025-12-09 146

Fuqarolar va tadbirkorlar uchun ijtimoiy nafaqa va sug‘urta tizimi yangi bosqichga ko‘tarildi

12:52 / 2025-12-09 148

“Tamakini emas, hayotni tanlang!” – "Toshkent-AERO" ixtisoslashtirilgan bojxona kompleksi

13:54 / 2023-11-26 916 0 Siyosat

Senatda Qozogʻiston bilan ittifoqchilik toʻgʻrisidagi shartnomani ratifikatsiya qilish toʻgʻrisidagi qonun maʼqullandi

Senat Qozogʻiston Respublikasi bilan ittifoqchilik munosabatlari toʻgʻrisidagi Shartnomani ratifikatsiya qilish haqidagi Qonunni maʼqulladi.

2023-yil 25-noyabr kuni Senatning navbatdagi yalpi majlisi doirasida “Oʻzbekiston Respublikasi bilan Qozogʻiston Respublikasi oʻrtasida ittifoqchilik munosabatlari toʻgʻrisidagi Shartnomani ratifikatsiya qilish haqida”gi Qonun koʻrib chiqildi.

Muhokama chogʻida senatorlar Oʻzbekiston va Qozogʻiston eng yaqin qoʻshnilar hamda vaqt sinovidan oʻtgan strategik hamkorlar ekanini alohida taʼkidladi. Keyingi yillarda ikki mamlakat oʻrtasida hamkorlikning yangi davri boshlandi, siyosiy, savdo-iqtisodiy, madaniy-gumanitar va boshqa sohalardagi munosabatlar jadal rivojlanmoqda.

Shartnomaning asosiy maqsadi ikki mamlakat mustaqilligi, suvereniteti, hududiy yaxlitligini va barqaror iqtisodiy rivojlanishini yanada mustahkamlashga qaratilgan davlatlararo munosabatlarning yangi bosqichini shartnoma-huquqiy jihatdan mustahkamlashdan iborat ekani qayd etildi.

Shartnoma tashqi siyosat, mudofaa va xavfsizlik, migratsiya, sanoat kooperatsiyasini rivojlantirish, transchegaraviy suv resurslaridan oqilona foydalanish boʻyicha qoʻshma chora-tadbirlarni qabul qilish, parlamentlar, siyosiy partiyalar va jamoat tashkilotlari oʻrtasidagi aloqalarni mustahkamlash kabi sohalarda yaqin hamkorlikni nazarda tutadi.

Senatorlar Shartnomaning ratifikatsiya qilinishi ikki xalqning maʼnaviy-madaniy yaqinligini qoʻllab-quvvatlashga, madaniyat, ilm-fan, taʼlim va sport sohasidagi oʻzaro aloqalarni mustahkamlashga xizmat qiladi, degan fikr bildirdi.

Shartnoma ilovasida davlat rahbarlari boshchilik qiladigan Oʻzbekiston Respublikasi va Qozogʻiston Respublikasi Oliy davlatlararo kengashi toʻgʻrisidagi Nizom keltirilgani alohida taʼkidlandi.