So`ngi yangiliklar
Suv xoʻjaligi yoki pul xoʻjaligi: Kattalarning vaʼdalari suvga qoʻshilib oqib ketdimi?
Rayhonning “Yaxshimasmi” qo‘shig‘ida she’rdan muallif ruxsatisiz foydalanilgani aniqlandi
Fermerlarga bosim ortmoqdami?
Oʻyinchoq toʻpponcha bilan bankni oʻmarmoqchi boʻlgan erkakning shaxsiga aniqlik kiritildi
“Ferrari” oʻzining ilk elektromobilini ishlab chiqarmoqchi
Rus tili imtihonlari Rossiya byudjetiga 30 million dollar daromad keltirdi
Laziz Kudratov Osiyo taraqqiyot bankining O‘zbekistondagi doimiy missiyasi direktori Kanokpan Lao-Araya bilan uchrashdi
AQSH va Ukraina yer osti boyliklari boʻyicha kelishuvga erishdi
Etil spirtini milliardlarga pullagan MCHJ rahbarlariga jinoyat ishi ochildi
Antiseptik ishlab chiqarish uchun xarid qilingan etil spirtini sotib yuborgan MCHJ rahbarlari aniqlandi, deya xabar bermoqda Prokuratura departamenti matbuot xizmati.
Maʼlum qilinishicha, “M.T.” MCHJ masʼul shaxslari antiseptik va losyon ishlab chiqarish uchun etil spirti ishlab chiqaruvchi korxonalardan xarid qilingan 19,4 mlrd soʻmlik 1 153 tonna etil spirtidan ushbu mahsulotlarni ishlab chiqarmasdan, hujjatlarga goʻyoki antiseptik va losyon mahsulotlari sotilganligi toʻgʻrisida soxta maʼlumotlar tayyorlab, etil spirtini boshqa shaxslarga naqd pulga sotib yuborgan.
Shu kabi, “M.W.” MCHJ masʼul shaxslari etil spirti ishlab chiqaruvchi korxonalardan antiseptik ishlab chiqarish uchun xarid qilgan 8,9 mlrd soʻmlik 402,6 tonna etil spirtini sotib yuborganliklari aniqlangan.
Mazkur holatlar yuzasidan Jinoyat kodeksining 186-1-moddasi (etil spirti, alkogolli mahsulot va tamaki mahsulotini qonunga xilof ravishda ishlab chiqarish yoki muomalaga kiritish) va 228-moddasi (hujjatlar, shtamplar, muhrlar, blankalar tayyorlash, ularni qalbakilashtirish, sotish yoki ulardan foydalanish) bilan jinoyat ishlari qoʻzgʻatilib, tergov harakatlari oʻtkazilmoqda.
