“Gʻazoni ikkiga boʻlinishiga qarshimiz” — Turkiya tashqi ishlar vaziri Blinkenni “ogʻzini yopdi”

Turkiya tashqi ishlar vaziri Hoqon Fidan AQSH davlat kotibi Entoni Blinken bilan Anqarada boʻlib oʻtgan uchrashuvda turk tomoni Gʻazo aholisining koʻchirilishi va mintaqani ikki qismga boʻlish rejalaridan noroziligini bildirdi, deb xabar bermoqda “Hürriyet” gazetasi manbalarga tayanib.

Maʼlum qilinishicha, Fidan va Blinken oʻrtasida Turkiya poytaxtida muzokaralar dushanba kuni boʻlib oʻtgan.

“Tashqi ishlar vaziri Hakan Fidan, AQSH Davlat kotibi Blinken bilan boʻlgan uchrashuvda: “Gʻazoning shimol va janubga boʻlinishi va gʻazoliklarning koʻchirilishiga qarshimiz” deb, ochiqasiga aytdi. Blinken ham uni fikrini qoʻllab-quvvatlagan holda, bu rejaga u ham qarshi ekanligini aytdi”, — deb yozadi nashr.

Gazeta, Turkiyaning boshidanoq zudlik bilan otishmani toʻxtatish tarafdori boʻlganiga diqqat qaratdi.

“Biroq, Isroil va AQSH bunga qarshi. Isroil otishmani toʻxtatish, HAMASga foyda keltirayotganini daʼvo qilmoqda. AQSHning pozitsiyasi noaniq. Hozir ular “gumanitar pauza” degan formulani ishlab chiqishdi. Blinken Anqaraga kelganida ham bu haqda gapirdi

Ular: 20, 48 yoki oʻta ogʻir hollarda 72 soatlik gumanitar pauza boʻlishi mumkin deyishdi. AQSH hozir bunga yopishib olgan. Bu sulhga qarshi chiqqan Isroil tomonidan taklif qilingan formula.

Bu formula orqali ular HAMAS tomonidan garovga olinganlarni ozod qilmoqchi va shundan soʻng ular qirgʻinni toʻxtatgan joyidan davom ettiradilar”, - deyiladi gazetadagi maqolada.

“Effect.uz”ни “Telegram”да кузатинг

“Effect.uz”ни “Facebook”да кузатинг

“Effect.uz”ни “YouTube”да кузатинг

Effect.uz'ни Инстаграмда кузатинг