So`ngi yangiliklar
Parlamentda Nukus voqealari bo‘yicha tuzilgan komissiya axboroti tinglandi
Navoiyga Mongoliyadan 1000 boshga yaqin Bayat zotiga mansub qo‘ylar olib kelindi
Faollar aytayotgan “iqtidor” egasi oddiy “Virtual valyutachi” boʻlgan...
Rustam Minnixanov boshchiligidagi Tatariston delegatsiyasi Navoiy viloyatiga tashrif buyurdi
Tojikistonning Konibodomida yana to‘rt kishining jasadlari topildi. Mahalliy aholi vahimada
Tahlil qilingan davlat xaridlarida «Davlat xaridlari to‘g‘risida»gi qonunning tegishli modda talablari buzilganlik holatlari aniqlandi
Ichki audit xizmati xodimlarining faoliyati samaradorligini baholash tartibi belgilandi
Bugun havo yanada sovishi kutilmoqda
“Oʻzbekistonda paxta narxini erkin bozor belgilaydi” – Qishloq xoʻjaligi vaziri Aziz Voitov
Qishloq xoʻjaligi vaziri Aziz Voitov Oʻzbekistonda bu sohada davlat tomonidan belgilash amaliyoti bekor qilingani va paxtaning narxini, bozor iqtisodiyoti qonunlariga muvofiq, xaridorlar (paxta-toʻqimachilik klasterlari) va sotuvchilar (fermerlar) belgilashini taʼkidladi.
Prezident 2023-yil yanvarda PQ-23-sonli “Paxta xom ashyosi yetishtiruvchilar faoliyatini yanada qoʻllab-quvvatlashning qoʻshimcha chora-tadbirlari toʻgʻrisida”gi Qarorni imzolagan. Bu qaror ushbu sohadagi bozor mexanizmlarining amal qilishini mustahkamlab berdi.
«Keyingi-yillarda Oʻzbekiston paxtachilik tarmogʻini bozor munosabatlariga bosqichma-bosqich oʻtkazmoqda. Biz narxlarning davlat tomonidan belgilanishidan voz kechdik va endi uni bozorning oʻzi: talab, taklif, ishtirokchilar kutilmalari belgilab beradi. Shuningdek, eksportimizning raqobatbardoshligini taʼminlash uchun, jahon bozoridagi paxtaning narxi hisobga olinadi. Baʼzida vazirlikka fermerlar majburiy xarid narxini belgilab berish iltimosi bilan murojaat qiladilar.
Ammo kompaniyalarni belgilangan narxda paxta sotib olishga majburlashga bizning haqqimiz yoʻq: hamkorlik oʻzaro manfaatli boʻlishi kerak – hech kim zarar koʻrmasin. Vazirlik oʻz vakolatlari doirasida koʻmak beradi: bahs-munozaralarda mediator boʻlib ish koʻradi, narxni shakllantirish boʻyicha konsultatsiyalar beradi, subsidiyalar va imtiyozlar mexanizmlarini ishlab chiqadi va joriy etadi»,- dedi qishloq xoʻjaligi vaziri Aziz Voitov.
Vazirlik mutaxassislari tomonidan 2023-yil hosili uchun kutilayotgan minimal narx 1 kg/8 000 soʻm sanaladi. U Nyu-York birjasidagi paxta fyuchersi kotirovkalari (oktyabr uchun oʻrtacha kotirovka 1 funt/84 sent yoki 1 tonna/1852 AQSH dollariga teng) va boshqa koʻrsatkichlar (shu jumladan hom ashyoni tayyorlash, tashish, saqlash va tolani qayta ishlash uchun sarf-xarajatlar hisobiga qisqarish) dan shakllanadi.
