So`ngi yangiliklar
Namangan shahar hokimi noqonuniy oʻrnatilgan radarlarni olib tashlashni soʻradi
“Kattalar”ning bosimida qolgan sud qarori
Futbol boʻyicha oʻn yetti yoshgacha boʻlgan oʻsmirlar oʻrtasidagi Osiyo kubogi oʻyinlari gʻoliblari va ishtirokchilarini mukofotlash toʻgʻrisida qaror chiqarildi
Suv xoʻjaligi yoki pul xoʻjaligi: Kattalarning vaʼdalari suvga qoʻshilib oqib ketdimi?
Rayhonning “Yaxshimasmi” qo‘shig‘ida she’rdan muallif ruxsatisiz foydalanilgani aniqlandi
Fermerlarga bosim ortmoqdami?
Oʻyinchoq toʻpponcha bilan bankni oʻmarmoqchi boʻlgan erkakning shaxsiga aniqlik kiritildi
“Ferrari” oʻzining ilk elektromobilini ishlab chiqarmoqchi
Mirziyoyev hamda Aliyev Mirzo Ulugʻbek maktabini ochib berdi
Mirzo Ulugʻbek nomidagi maktab Qorabogʻ shahrida ochildi
Oʻzbekiston Respublikasi Prezidenti Shavkat Mirziyoyevning Ozarbayjonga tashrifi ikkinchi kunida ikki davlat rahbarlari rafiqalari bilan birga Fuzuliy va Shusha shaharlariga tashrif buyurdi. Bu haqda Prezident matbuot xizmati xabar berdi.
Qayd etilishicha, oʻtgan qariyb 30 yil davomida butkul vayron boʻlib ketgan Fuzuliy shahrini tiklash jarayonlarida Oʻzbekiston Ozarbayjon davlatiga har tomonlama yordam qoʻlini choʻzmoqda. Xususan, mustahkam doʻstlik va birodarlik ifodasi sifatida Oʻzbekiston yetakchisi 2021-yil 31-mart kuni oʻtgan Turkiy kengashning norasmiy sammitida Oʻzbekiston Qorabogʻ zaminidagi yodgorliklar, madaniyat va maʼrifat maskanlarini qayta tiklashga oʻz hissasini qoʻshishga tayyor ekanini taʼkidlagan edi.
Fuzuliy shahrida 960 nafar oʻquvchiga moʻljallangan zamonaviy maktab qurilishi Prezident tashabbusining amaliy ifodasi boʻlgan.
Mirzo Ulugʻbek nomidagi 1-sonli maktabda 40 ta sinfxona, 6 ta laboratoriya, 2 ta informatika xonasi, 5 ta funksional oʻquv xonasi, majlislar va sport zallari, oshxona, kutubxona mavjud. Futbol maydoni, dam olish va tadbirlar oʻtkazish uchun joylar, yugurish yoʻlaklari tashkil qilingan.
Maʼlum qilinishicha, ikki mamlakat yetakchilari rafiqalari bilan birga bayramona tasmani kesib, maktabni tantanali ravishda ochib bergan.
Prezidentlar oʻquv binolari va maktab hududi bilan tanishib, oʻquvchilar bilan samimiy suhbatlashgan, ularga oʻqishda muvaffaqiyat tilagan.
Soʻng davlat rahbarlari Fuzuliy shahrida barpo etilayotgan uy-joy majmuasiga tashrif buyurgan.
Prezidentlar majmuadagi xonadon egalari bilan uchrashgan. Oʻzbekiston rahbari ularni yangi uyli boʻlgani bilan tabriklagan.
Samimiy suhbat chogʻida Oʻzbekiston va Ozarbayjon xalqlarining mustahkam doʻstligi va qardoshlik aloqalari haqida soʻz borgan.
Shavkat Mirziyoyev Fuzuliyda hayot barqaror holatga qaytayotganidan mamnunligini bildirgan, Ilhom Aliyev rahbarligida Qorabogʻni qayta tiklash va rivojlantirish, aholining farovon turmushi uchun qulay sharoitlar yaratish boʻyicha olib borilayotgan bunyodkorlik ishlarini yuksak baholagan. Shuningdek, Ozarbayjon xalqiga tinchlik, osoyishtalik va ravnaq tilaklari bildirilgan.
Davlat rahbarlari yangi xonadonlarni kirib koʻrishgan. Soʻng yetakchilar balandlikdan turib vayronagarchilik oqibatlarini va qurilish ishlarini borishini kuzatgan. Oʻzbekiston Prezidentiga Fuzuliyni qayta tiklash rejalari toʻgʻrisida soʻzlab berilgan.
.jpg)
