So`ngi yangiliklar
Putin Ukraina bilan toʻgʻridan toʻgʻri muzokaralarni taklif qildi: Kiyev qanday javob qaytaradi?
Nizomiy nomidagi Toshkent davlat pedagogika universiteti endilikda O‘zbekiston milliy pedagogika universiteti deb nomlanadi
Quyosh, dengiz, tarix va hashamat. Antaliya dunyoga nimasi bilan mashhur?
Prezident taʼlim sifatini oshirish boʻyicha takliflar taqdimoti bilan tanishdi
Namangan shahar hokimi noqonuniy oʻrnatilgan radarlarni olib tashlashni soʻradi
“Kattalar”ning bosimida qolgan sud qarori
Futbol boʻyicha oʻn yetti yoshgacha boʻlgan oʻsmirlar oʻrtasidagi Osiyo kubogi oʻyinlari gʻoliblari va ishtirokchilarini mukofotlash toʻgʻrisida qaror chiqarildi
Suv xoʻjaligi yoki pul xoʻjaligi: Kattalarning vaʼdalari suvga qoʻshilib oqib ketdimi?
Namangan shahar kengashi deputati Azim Nurmatov qiduruvga berildi — IIV
Xalq deputatlari Namangan shahar kengashi “1-Orzu” saylov okrugidan deputatlikka saylangan Azim Nurmatov nisbatan qiduruv eʼlon qilindi. Bu haqda Ichki ishlar vazirligi axborot portalida eʼlon qilingan.
Maʼlumotda aytilishicha, deputat Azim Nurmatov Jinoyat kodeksining 167-moddasi (Oʻzlashtirish yoki rastrata yoʻli bilan talon-toroj qilish), 3-qismi, “A” bandi (juda koʻp miqdorda) ayblovi bilan qidiruvga berilgan.
Effect.uz manbasi ushbu deputat turli shaxslardan 1 million dollardan ortiq boʻlgan miqdordagi mol-mulklarni talon-toroj qilish yoʻli bilan egallaganlikda gumonlanayotganini maʼlum qildi.
Bundan tashqari, A.Nurmatov yana bir qancha fuqarolardan firibgarlik yoʻli bilan katta miqdorda pul mablagʻlari olgani aytiladi. Manbaning qoʻshimcha qilishicha, qidurvda boʻlgan sobiq Namangan shahar deputati Azim Nurmatov Oʻzbekistonda tashqariga chiqib ketgan.
Maʼlumot uchun, Azim Nurmatov 2021-yil 19-iyulda Xalq deputatlari Namangan shahar Kengashi deputatlari va doimiy komissiya raislarining faoliyatini monitoringi natijalari toʻgʻrisida oʻtkazilgan yigʻilishda Kengash faoliyatida masʼuliyatsizlik bilan yondashayotgani tufaydli doimiy komissiya tomonidan ogoxlantirilgan.
Ichki ishlar vazirligi saytida ushbu shaxsdan jabr koʻrganlar yoki u haqida maʼlumotga ega boʻlgan fuqarolar 102 yoki 1102 raqamiga murojaat qilishi soʻralgan.
Eslatib oʻtamiz, avvalroq deputat Azim Nurmatov Effect.uz axborot agentligiga boshiga tushgan tashvishlar sabab murojaat qilgan edi.
Sayt jurnalistlari bir necha kun davomida deputatning murojaatini oʻrganib chiqishgan va eʼlon qilish fursati yetganda Azim Nurmatov ushbu video murojaatni ayrim sabablarga koʻra internetga tarqatmaslikni soʻragan edi. Sayt rahbariyati tomonidan deputatning iltimosi qondirilgan va video murojaat keng omma eʼtiboriga havola qilinmagan.
