Qidirish

22:08 / 2023-08-15 1065 0 Hodisalar

Uchta xalqaro aviakompaniyaga Oʻzbekistonga aviaqatnovlar uchun ruxsatnoma berildi

Transport vazirligi huzuridagi “Oʻzaviatsiya” agentligi uchta xorijiy aviakompaniyaga Oʻzbekistonga muntazam aviaqatnovlarni amalga oshirish uchun ruxsatnoma bergan.

world-news

Transport vazirligi huzuridagi “Oʻzaviatsiya” agentligi uchta xorijiy aviakompaniyaga Oʻzbekistonga muntazam aviaqatnovlarni amalga oshirish uchun ruxsatnoma berdi.

“Oʻzaviatsiya” agentligi maʼlumotiga koʻra, Hindistonning “IndiGo”, Polshaning “LOT Polish Airlines” va Malayziyaning “Malindo Airways” aviakompaniyalari Oʻzbekiston Respublikasiga muntazam aviaqatnovlarni amalga oshirish uchun ruxsatnoma olgan.

Oʻzbekiston Respublikasi va tegishli davlatlar oʻrtasida havo qatnovi toʻgʻrisidagi hukumatlararo Bitim asosida “Oʻzaviatsiya” agentligi tomonidan quyidagi aviatashuvchilarga Oʻzbekiston Respublikasiga muntazam parvozlarni amalga oshirish uchun Ekspluatatsion ruxsatnomalari berildi:

Hindistonning “IndiGo” aviakompaniyasiga Dexli -Toshkent-Dexli yoʻnalishida A-320NEO va A-321 NEO havo kemalarida;

Polshaning “LOT Polish Airlines” aviakompaniyasiga Varshava- Toshkent-Varshava yoʻnalishida Boing-737-8MAX havo kemasida;

Malayziyaning “Malindo Airways” aviakompaniyasiga Kuala Lumpur — Toshkent-Kuala Lumpur yoʻnalishida A-330 havo kemasida.

Izohlar 0

Fikr bildirish