“Biz Ukraina tarafida emasmiz, biz adolat tarafidamiz” — Gaagada ISPA ish boshladi

Bugun, 3-iyul kuni Gaagada Ukrainada sodir etilgan harbiy jinoyatlarni tergov qilish xalqaro markazi (ISPA) ish boshladi. Bu haqda RIA Novosti xabar bermoqda.

Gaagadagi markazning ochilishiga bagʻishlangan tadbirda Ladislav Hamran, Adliya boʻyicha Yevropa komissari Dide Reynders, Xalqaro jinoyat sudi (ICC) prokurori Karim Xon, AQSH Bosh prokurori yordamchisi Kennet Polite, Niderlandiya Bosh prokurori Dilan Jeshilgez ishtirok etdi.

“Biz Ukraina tarafida emasmiz, biz adolat tarafidamiz. Bu markaz mustaqil va obyektiv organ. Bu biz va farzandlarimiz kelajagini istagan har bir kishi uchun umumiy ish boʻlishi kerak. Jinoyat kamroq va adolat koʻproq boʻlsin va bu qadam bu yoʻlda muhim ahamiyatga ega", — dedi ISS prokurori Karim Xon markaz ochilishi munosabati bilan oʻtkazilgan matbuot anjumanida.

Xon, shuningdek, tergov markazining tashkil etilishi AQSH tomonidan qoʻllab-quvvatlanganiga eʼtibor qaratdi.

AQSH Bosh prokurori yordamchisi Kennet Politening taʼkidlashicha, yaqinda Markazga AQSH vakili etib tayinlangan maxsus prokuror Jessika Kim katta miqdordagi maʼlumot va resurslardan cheklovsiz foydalanish imkoniyatiga ega boʻladi.

“Qoʻshma Shtatlar xalqaro jinoyatlarning asosiy dalillari boʻyicha maʼlumotlar bazasiga oʻz hissasini qoʻshish niyatida ekanligini allaqachon bildirgan. Va men oʻtgan haftada AQSH oʻzining birinchi hissasini qoʻshganini mamnuniyat bilan eʼlon qilaman, bu albatta, oxirgisi boʻlmaydi”, - ded Kennet Politen.

Eslatib oʻtamiz, Rossiya 2022-yilning 24-fevral oyida Ukrainaga hujum qildi. Rossiya prezidenti Vladimir Putin uning maqsadini “sakkiz yil davomida Kiyev rejimi tomonidan bezorilik va genotsidga uchragan odamlarni himoya qilish” deb atagan.

“Effect.uz”ни “Telegram”да кузатинг

“Effect.uz”ни “Facebook”да кузатинг

“Effect.uz”ни “YouTube”да кузатинг

Effect.uz'ни Инстаграмда кузатинг