So`ngi yangiliklar
Rishtonda yosh o‘quvchi kollejda zo‘ravonlar tomonidan kaltaklandi
Istanbul 18–21 sentyabrda Bosfor Kubogi 2025 qayiqlar poygasiga mezbonlik qiladi
Hamyurtimiz “Yuksak ehtirom” xalqaro esdalik ko‘krak nishoni bilan taqdirlandi
Farg‘ona dehqon bozoridagi narx-navo xalq uchunmi yoki…
Sentyabrdan boshlab migrantlar ilova orqali kuzatiladi
Kasb va xorijiy tillarga oʻqitish uchun vaucher berish tartibi belgilandi
Kasb va xorijiy tillarga oʻqitish uchun vaucher berish tartibi belgilandi
Fargʻonada uy bogʻchasida 43 nafar bolaga noqonuniy diniy saboq berib kelingani aniqlandi
Surxondaryodagi hokim va “kattalar”ning “richagi” tortildi
Yoʻl qoʻyilgan kamchiliklarni bartaraf etish va “Dolzarb 10 kunlik”da ishlarni sifatli amalga oshirish yuzasidan barcha hududlar rahbarlari va soha masʼullariga vazifalar belgilab berildi.
Kecha, 14-iyun kuni Surxondaryo viloyati hokimi Ulugʻbek Qosimov rahbarligida qishloq xoʻjaligi sohasida olib borilayotgan ishlar, xususan, gʻalla oʻrim-yigʻimi va gʻoʻza parvarishi hamda agrotexnik tadbirlarning borishi yuzasidan viloyat Ishchi guruhining Muzrabot, Sherobod va Qumqoʻrgʻon tumanlaridagi oʻrganish natijalari yuzasidan tanqidiy muhokama yigʻilishi oʻtkazildi.
Hududlarda otryadlar tomonidan kunlik reja-grafik asosida gʻalla oʻrimini tashkil etish, belgilangan rejaning bajarilishi, gʻoʻza parvarishi yuzasidan olib borilayotgan ishlar, “Dolzarb 10 kunlik”da agrotexnik ishlov va qoʻshimcha ozuqa berish hamda sugʻorish tadbirlarining amalga oshirilishi tanqidiy-tahlil qilindi.
Faoliyatida yoʻl qoʻygan xato va kamchiliklari hamda oʻz vazifasini lozim darajada bajarmaganligi uchun “Amuzang” havza boshqarmasi boshligʻini ish haqidan 40 foiz jarimaga tortish, Muzrabot tumani hokimi va qishloq suv xoʻjaligi masalalari boʻyicha oʻrinbosariga “hayfsan”, Muzrabot tumani qishloq xoʻjaligi boʻlimi boshligʻini vazifasidan ozod etish, Sherobod tumani hokimiga navbatdagi intizomiy jazo, qishloq va suv xoʻjaligi masalalari boʻyicha oʻrinbosari hamda qishloq xoʻjaligi boʻlimi boshligʻiga “hayfsan” jazosi berish boʻyicha koʻrsatmalar berildi. Shuningdek, Qumqoʻrgʻon tumanidagi oʻrganish natijalari yuzasidan qator masʼullar ogohlantirildi.
Yoʻl qoʻyilgan kamchiliklarni bartaraf etish va “Dolzarb 10 kunlik”da ishlarni sifatli amalga oshirish yuzasidan barcha hududlar rahbarlari va soha masʼullariga vazifalar belgilab berildi.
Topshiriqlar ijrosi yuzasidan ikki kundan keyin Muzrabot tumanida oʻrganish oʻtkazilishi belgilandi.
