So`ngi yangiliklar
Parlamentda Nukus voqealari bo‘yicha tuzilgan komissiya axboroti tinglandi
Navoiyga Mongoliyadan 1000 boshga yaqin Bayat zotiga mansub qo‘ylar olib kelindi
Faollar aytayotgan “iqtidor” egasi oddiy “Virtual valyutachi” boʻlgan...
Rustam Minnixanov boshchiligidagi Tatariston delegatsiyasi Navoiy viloyatiga tashrif buyurdi
Tojikistonning Konibodomida yana to‘rt kishining jasadlari topildi. Mahalliy aholi vahimada
Tahlil qilingan davlat xaridlarida «Davlat xaridlari to‘g‘risida»gi qonunning tegishli modda talablari buzilganlik holatlari aniqlandi
Ichki audit xizmati xodimlarining faoliyati samaradorligini baholash tartibi belgilandi
Bugun havo yanada sovishi kutilmoqda
“Oʻzbekiston demografik jihatdan tez oʻsib bormoqda” – Tanzila Narbayeva
Maʼlumki, Samarqanddagi Halqaro turizm markazida Yevropa tiklanish va taraqqiyot banki Boshqaruvchilar kengashining 32 yillik anjumani boʻlib oʻtyapti.
Taʼkidlanishicha, 73 ta aʼzo davlatdan 1500 dan ortiq ishtirokchi qatnashayotgan ushbu tadbirda 2022-yildagi hamkorlik natijalari koʻrib chiqilib, mintaqalarga taʼsir koʻrsatayotgan mavjud muammolarni hal etish boʻyicha birgalikda koʻrilayotgan choralar tahlil qilingan.
“Yangi koʻnikmalar yoʻli – Markaziy Osiyoda inson kapitalini shakllantirish” mavzuidagi panel muhokamasida Oliy Majlis Senati Raisi Tanzila Narbayeva ham ishtirok etib, asosan yoshlar haqida fikr bildirdi.
Muhokamalar davomida mamlakatlar aholisining oʻsib borayotgan, yosh va boshqa qatlamlari salohiyatidan qay tarzda samarali foydalanish hamda mazkur salohiyatni qanday qilib barqaror oʻsish katalizatoriga aylantirish mumkinligi yuzasidan fikr almashilgan.
Xususan, professional taʼlimni yangi yondashuvlar asosida tashkil etish, aholini, ayniqsa, yoshlarni zamonaviy kasblarga oʻrgatish, bunda xususiy sektor ulushini oshirish, bu doiradagi barcha jarayonlarning qonuniy asoslarini takomillashtirish masalalariga alohida eʼtibor qaratilgan.
Senat Raisi muhokamalar jarayonida quyidagi fikrlarni bildirib oʻtdi:
«Yevropa tiklanish va taraqqiyot banki Oʻzbekistonda 10 dan ortiq loyihalar doirasida yoshlarimizning salohiyatini oshirishga, yaʼni inson kapitalini rivojlantirishga katta koʻmak bermoqda. Oʻzbekiston demografik jihatdan tez oʻsib bormoqda. Har yili 600 ming yoshlar mehnat bozoriga kirib kelyapti.
Ularning barchasini oʻqitishimiz va kasbga tayyorlashimiz, shu bilan birga munosib mehnat, munosib ish haqi va xavfsiz mehnat sharoitlari bilan taʼminlashimiz zarur. Albatta, bu yoʻnalishda va biz uchun strategik ahamiyatli boʻlgan boshqa masalalarda Yevropa tiklanish va taraqqiyot banki bilan izchil va samarali hamkorlik qilishimiz nihoyatda muhim».
Maʼlum qilinishicha, YETTB Boshqaruvchilar kengashining yillik anjumani doirasida, shuningdek, xalqaro savdo, energetika xavfsizligi, qayta tiklanadigan energiya manbalari, kichik va oʻrta biznesning iqtisodiyot uchun ahamiyati, rivojlanayotgan bozorlarda raqamlashtirish kabi yoʻnalishlarda xalqaro mutaxassis va ekspertlar ishtirokida muhokamalar tashkil etilgan.
