So`ngi yangiliklar
Namangan shahar hokimi noqonuniy oʻrnatilgan radarlarni olib tashlashni soʻradi
“Kattalar”ning bosimida qolgan sud qarori
Futbol boʻyicha oʻn yetti yoshgacha boʻlgan oʻsmirlar oʻrtasidagi Osiyo kubogi oʻyinlari gʻoliblari va ishtirokchilarini mukofotlash toʻgʻrisida qaror chiqarildi
Suv xoʻjaligi yoki pul xoʻjaligi: Kattalarning vaʼdalari suvga qoʻshilib oqib ketdimi?
Rayhonning “Yaxshimasmi” qo‘shig‘ida she’rdan muallif ruxsatisiz foydalanilgani aniqlandi
Fermerlarga bosim ortmoqdami?
Oʻyinchoq toʻpponcha bilan bankni oʻmarmoqchi boʻlgan erkakning shaxsiga aniqlik kiritildi
“Ferrari” oʻzining ilk elektromobilini ishlab chiqarmoqchi
Oʻzbekiston pomidorlarida xavfli virus aniqlandimi?
Bugun, 15 aprel kuni Telegram tarmogʻidagi bir nechta yangiliklar kanalida “Ogoh boʻling: Oʻzbekiston pomidorlarida xavfli virus aniqlandi” sarlavhasi ostida xabarlar tarqaldi. Ushbu xabarlarga Qozogʻistonning “24KZ” telekanali orqali namoyish etilgan lavha asos boʻldi.
Mazkur xabarlar yuzasidan agentlik tomonidan holatga aniqlik kiritish maqsadida tezkor surishtiruv va oʻrganishlar olib borilgan.
Dastlabki natijalariga koʻra Qozogʻiston tomoni Oʻzbekistondan import boʻlgan pomidor mahsulotlarida pomidor jigarrang virusi (Tomato brown rugose fruit virus) va boshqa karantin kasalliklar aniqlanganligi yuzasidan mahsulotlarni orqaga qaytarish holati kuzatilmagan va eʼtiroznoma (notifikatsiya) joʻnatmagan.
Shu bilan birgalikda, Oʻzbekiston va Qozogʻiston karantin xizmatlari o'rtasida tezkor ravishda muzokara olib borilib, ushbu tarqalgan xabarga izoh bergan fitosanitariya xizmatining Qozogʻistonning Turkiston viloyati hududiy inspeksiyasi rahbari I.Begasilov pomidor jigarrang virusi aniqlanish holati yuzasidan import boʻlgan 43 tonna pomidor mahsulotida aynan Oʻzbekistondan yuklangan mahsulotida xavfli virus qayd etilmaganini telefon muloqotida tasdiqlagan.
“Maʼlumot oʻrnida qayd etish joiz, mamlakatimizdan pomidor eksporti boʻyicha Agentlik tomonidan 2023-yil oʻtgan davr mobaynida importer davlatlarning fitosanitariya talablariga muvofiq jami 24 147 tonna (shundan 14 424 Qozogʻistonga Respublikasiga eksport uchun) pomidor mahsulotiga xalqaro fitosanitariya sertifikati berilgan va importer davlatlarning karantin xizmati tomonidan nomuvofiqlik holatlari aniqlanganlik yuzasidan eʼtiroz holati qayd etilmagan.
Jahon bozoriga xavfsiz, tekshirilgan va turli kasalliklardan holi mahsulotlarni chiqarish, xalqaro qishloq xoʻjaligi maydonida Oʻzbekiston brendi nufuzini mustahkamlash maqsadida har bir qishloq xoʻjaligi mahsuloti partiyasidan namunalar olinib, Markaziy fitosanitariya laboratoriyasida ekspertizadan oʻtkazilib, laboratoriyaning xulosasiga koʻra eksport\import jarayonlari amalga oshiriladi. Jumladan pomidor jigarrang virusini aniqlash uchun ham namunalar 8 soat davomida maxsus polimeraza zanjir reaksiyasi (PZR) testidan oʻtkaziladi”, - deyiladi xabarda.
