title

So`ngi yangiliklar

10:22 / 2025-12-11 33

Umra xizmatlari bo‘yicha noqonuniy reklama tarqatgan turoperatorlar jazolandi

10:02 / 2025-12-11 35

Notariuslikka talabgorlar uchun o‘quv kurslarini tashkil etish tartibi tasdiqlandi

18:17 / 2025-12-10 74

Navoiyda qishloq xo‘jaligi xodimlari taqdirlandi

22:27 / 2025-12-09 159

Ayrim hududlarda davlat organlarida kadrlar rotatsiyasi tizimi joriy etiladi

15:44 / 2025-12-09 166

Andijon viloyati hokimiga yangi o‘rinbosarlar tayinlandi

13:44 / 2025-12-09 171

Humans ilovasida yuz bergan ruxsatsiz pul yechish holatlari bo‘yicha Markaziy bank rasmiy bayonot berdi

13:14 / 2025-12-09 123

Fuqarolar va tadbirkorlar uchun ijtimoiy nafaqa va sug‘urta tizimi yangi bosqichga ko‘tarildi

12:52 / 2025-12-09 126

“Tamakini emas, hayotni tanlang!” – "Toshkent-AERO" ixtisoslashtirilgan bojxona kompleksi

03:48 / 2022-01-13 170 0 Siyosat

Oʻzbekiston chegarani kesib oʻtishga cheklovlar joriy etadi

15-yanvardan boshlab Oʻzbekiston hududiga kirib kelayotgan fuqarolar (avtomobil harakati bundan mustasno) kirishidan kamida 48 soat oldin PZR usulida oʻtkazilgan koronavirus infeksiyasi uchun salbiy test natijasini taqdim etishlari, shuningdek, Oʻzbekiston hududiga kirishda koronavirus infeksiyasi mavjudligini aniqlash uchun ekspress antigen testini topshirishlari shart.

Shu bilan birga, Qirgʻiziston hududidan chegara avtomobil oʻtkazish punktlari orqali kirib kelayotgan fuqarolar kirishidan kamida 48 soat oldin PZR usulida oʻtkazilgan koronavirus infeksiyasi boʻyicha faqat salbiy test natijasini, boshqa chegaradosh davlatlar hududidan kirib kelayotgan fuqarolar esa koronavirus infeksiyasi mavjudligiga ekspress-antigen test topshirishlari kerak.

Shu bilan birga, 15-yanvardan boshlab Oʻzbekistonning Qozogʻiston bilan davlat chegarasini ikki davlat fuqarolarining kesib oʻtishi vaqtincha toʻxtatiladi, quyidagi toifadagi shaxslar bundan mustasno:

havo yoʻllari orqali kiruvchi barcha toifadagi fuqarolar;

vataniga qaytgan Oʻzbekiston va Qozogʻiston fuqarolari (keyingi oʻrinlarda tomonlarning fuqarolari deb yuritiladi);

hukumatlararo kuryerlik aloqasi xodimlari;

xalqaro yuk tashishni amalga oshiruvchi haydovchilar;

rasmiy (hukumat) delegatsiyalari tarkibida boʻlgan shaxslar;

diplomatik vakolatxonalar, konsullik muassasalari va xalqaro tashkilotlar xodimlari, shuningdek ularning oila aʼzolari;

Qozogʻiston hududida joylashgan Oʻzbekiston obyektlari, shuningdek, Oʻzbekiston hududida joylashgan Qozogʻiston obyektlarga xizmat koʻrsatuvchi xodimlar;

ushbu davlatlarda investitsiya loyihalari doirasida oʻz faoliyatini amalga oshirayotgan Oʻzbekiston, shuningdek Qozogʻiston fuqarolari;

Oʻzbekistonda doimiy yashovchi Qozogʻiston fuqarolari, shuningdek, Qozogʻistonda doimiy yashovchi Oʻzbekiston fuqarolari;

oʻqish maqsadida tomonlarning fuqarolari;

ogʻir kasal boʻlgan yaqin qarindoshlarini koʻrish yoki yaqin qarindoshlarining dafn marosimlarida qatnashish maqsadida tibbiy maqsadlarda kiruvchi (ketayotgan) tomonlarning fuqarolari;

vafot etgan Oʻzbekiston fuqarolarining jasadlarini Qozogʻiston hududida va Qozogʻiston fuqarolarining Oʻzbekiston hududida hamrohlik qilayotgan tomonlar fuqarolari.